夜。鐵板燒

和哥27/08生日🎂我訂咗山林道「夜•鐵板燒」，繼上次「4月生日飯」後encore ，今晚係一位女師傅為我哋煮食，好健談，煮嘢好好食🤤，佢話今晚有5枱客人都係慶祝生日🎂，而與我們同房的一家3口亦係慶祝生日，巧合地對方都係今日正日，兩位壽星仔都係著白色T恤，同年青大隻💪🏻有型😎，對方仲請我哋食生日蛋糕🎂添，朱古力流心蛋糕好好味😋。晚餐頭盤-魚生併盤個貝類🐚刺身就麻麻哋其他魚刺身就好鮮甜👍🏻，第一次食鐵板和牛壽喜燒，味道同平時食嘅好唔同，煙燻鴨肝亦好好味😋，煙燻冇咗平時嘅油膩感外喺口腔度仲有多重味道👅好好味，當然有我最喜歡嘅「企鱗金目鯛」外皮好脆魚肉好滑（我認證咗「企鱗」係魚嘅問題，唔係師傅技術問題🤣🤣🤣），今次個醬汁同上次唔同，我覺得今次個汁夾啲😃。龍蝦🦞湯非常鮮甜配和牛炒飯無得輸，和哥特品提到個甜品🍧喺有柚子啫喱，入面蒟蒻粒好有口感為餐桌點上完美句點。食鐵板燒有個重要原素就喺同師傅嘅互動溝通，好嘅氣氛令餐點錦上添花，所以話好嘅餐點除咗食材，廚師技巧，仲有就係「食人」即係對手/對象，一路食一路傾，聽師傅介紹每道菜色特點，慢慢細嚼當中味道，開開心心🥰滿足快樂咁享受飲食過程，食飯最緊要開心😃