喜鍋 海鮮‧火鍋‧小廚 (已結業)

自從疫情之後就無食過火鍋，而家疫情緩和左當然要約朋友一齊打邊爐啦，更何況喜鍋店鋪位置方便，距離油麻地地鐵站5分鐘既路程。當日我地去得比較早，所以唔洗等就有位坐了。入座時店鋪亦好細心咁準備左口罩套比食客。由於同朋友想食唔同既鍋底，所以叫左個鴛鴦鍋，經典莞西皮蛋同埋沙爹湯底，沙爹湯底超濃超正，唔似其他火鍋店溝水，非常足料。話説叫完之後先見到魚湯海鮮鍋既相，本身個湯底已經附送好多海鮮，而且都只係$228，瞬間覺得自己蠢左，哈哈。火鍋食材選擇衆多，而且d料非常新鮮，其實食火鍋食材新鮮已經贏左一大半。水魷魚幫你切好曬，食洛鮮甜嫩滑。黑豚肉净係個色水已經好靚，食落入口即溶。另外個蟹子墨魚油炸鬼非常特別，係油炸鬼入面加入墨魚，再係面頭灑上蟹子，口感豐富過普通油炸鬼好多。我地2個人一共叫左6樣野，但已經非常飽，因爲每碟都好大碟。再加上而家有全單8.8折優惠，所以真係非常抵。