影片
更多
2016-06-04
7222 瀏覽
宜家雞煲大行其道，之前睇雜誌時見到雞煲介紹，$88可以任食雞煲兩個鐘，咁正既野當然要去試下。雞煲係長沙灣保安道街市，長沙灣站行過去大約15分鐘，係李鄭屋邨附近。保安道街市有扶手電梯直接上去，留意喎，街市無冷氣架，但有強勁既風扇。我地一行五人，老闆比我地揀兩個煲，我地叫左麻辣同醉雞。老闆話麻辣係佢預備既，醉雞當佢黎左個醉雞湯底就要自己去攞雞。自己攞雞咁怪？周圍望下邊度有得攞，老闆指示我地行去後巷，係後樓梯附近有個好大個既雪櫃，入面全部都係雞，雪櫃有個指示，清湯攞清湯雞，醉雞湯攞醉雞？我地問老闆點分，佢話原來無分...咁指示要黎做咩...我地攞左幾碟雞，都係雞脾部分，每碟有十來件，雞件都大大件，望落唔係好肥，但雞毛未清潔乾淨喎。。試下醉雞先，湯底唔夠酒味，打開蓋嗰陣好香架，但食落唔夠味，所以啲雞放落去都無乜味。老闆話有壺醉雞湯可以加既，但我地加左都唔覺得有味..啲雞好滑，本來$88任食我都唔預計會好出色，但啲雞幾滑，肉質好嫩，由於我揀左雞脾位，所以真係啖啖肉，啲雞就算滾左好耐都唔覺得好鞋，抵讚！食完頭一輪醉雞，麻辣湯底終於到啦！由於我地叫左小辣，所以真係唔係好辣，啲雞因為曾經煮過，所以好味
我地一行五人，老闆比我地揀兩個煲，我地叫左麻辣同醉雞。老闆話麻辣係佢預備既，醉雞當佢黎左個醉雞湯底就要自己去攞雞。自己攞雞咁怪？周圍望下邊度有得攞，老闆指示我地行去後巷，係後樓梯附近有個好大個既雪櫃，入面全部都係雞，雪櫃有個指示，清湯攞清湯雞，醉雞湯攞醉雞？我地問老闆點分，佢話原來無分...咁指示要黎做咩...我地攞左幾碟雞，都係雞脾部分，每碟有十來件，雞件都大大件，望落唔係好肥，但雞毛未清潔乾淨喎。。
試下醉雞先，湯底唔夠酒味，打開蓋嗰陣好香架，但食落唔夠味，所以啲雞放落去都無乜味。老闆話有壺醉雞湯可以加既，但我地加左都唔覺得有味..啲雞好滑，本來$88任食我都唔預計會好出色，但啲雞幾滑，肉質好嫩，由於我揀左雞脾位，所以真係啖啖肉，啲雞就算滾左好耐都唔覺得好鞋，抵讚！
食完頭一輪醉雞，麻辣湯底終於到啦！由於我地叫左小辣，所以真係唔係好辣，啲雞因為曾經煮過，所以好味過醉雞啲雞好多，醉雞啲雞似放入去打邊爐咁，呢個麻辣啲雞入味好多，雞肉一樣好嫩滑，雞油都唔多，因為煎過，所以我覺得好似KFC啲炸雞XD好快就食完第一輪啦，叫老闆再Encore麻辣雞，等左20分鐘，黎左一大盤雞，可能老闆唔記得我地叫小辣，第二輪好鬼辣，雞底有啲菜做配菜，啲菜索晒啲汁仲辣到我即刻叫左枝青島啤，大大枝唔貴喎，$10枝only。食完幾輪雞，我同朋友都捧住個肚走人呀！
張貼
