牛摩+ (新都城中心二期) (已結業)

冬天啱晒打邊爐，今次揀咗美洲藍帶上品牛肌腹。餐廳入邊放咗好多唔同種類嘅蔬菜、飲品同埋雪糕甜品等等。先嚟兩碟肉，一碟牛肌腹同埋豬肉。牛肉唔會太肥，有肉味，而豬都好食，濃濃嘅肉香。蔬菜類，夾咗羽衣甘藍、莧菜、金菇、雞髀菇、香茹、粟米、魔芋等等。全部都好新鮮，唔單止可以點肉類，仲可以食好多唔同嘅蔬菜。丸類都好多款，試咗蟹粉丸、墨汁墨魚丸、豬肉丸、芝士豆腐、蜂巢豆腐…… 特別推介墨汁墨魚丸，黑蚊蚊好特別，有墨魚香味，同埋有啲墨魚粒，成粒好彈牙好味。最後食埋最愛嘅薯粉，同埋甜品雪糕。雪糕有低脂乳酪同朱古力味，朱古力係好濃郁嘅朱古力香，上面加埋朱古力粒同埋迷你棉花糖，飲埋杯熱綠茶，啱晒！