影片
更多
2015-07-14
994 瀏覽
法國菜，總係同個「貴」字扯上關係。只收$98的法式午餐已包前菜 + 主菜，平到你食之前要做好俾負皮嘅準備。結果呢？呢間位於佐敦嘅「YoursBistro」水準竟然不錯，仲要連星期六、日都有呢個優惠，值得一推！▼ 早起鳥兒 免費升級 ▼12:00 noon前入座，可免費升級前菜、主菜 (原本要另加$45)，揀「澳洲黑安格斯肉眼扒配薯條」同「香煎鴨肝伴芹菜頭蓉及烤肉桂蘋果」！！我喺一田用$98買塊扒都有d難度，而家兩樣夾埋仲要煮埋都只係$98，傻的嗎？！！呢個亦都係我要再encore嘅原因。▼ 餐前必睇 ▼1. 午餐：前菜/甜品 + 主菜 ($98)，3樣要晒 ($128) 晚餐：$268起2. 以上為慶祝法國國慶之推廣價，期限為即日起至27/73. 午餐last order係2:30pm，我哋2:30pm先入到去，都俾叫嘢食▼ 餐前麵包 (免費) ▼有3舊，兩細一大，麵包微暖，有粒粒穀物，不是hea餐包搽埋牛油食不錯。▼ Smoked Salmon Salad ▼有4大塊煙三文魚，沙律菜亦新鮮靚仔，加埋檸檬汁感覺很fresh及醒胃▼ Parma Ham Salad ▼個人認為味
Bistro」水準竟然不錯，仲要連星期六、日都有呢個優惠，值得一推！
▼ 早起鳥兒 免費升級 ▼12:00 noon前入座，可免費升級前菜、主菜 (原本要另加$45)，揀「澳洲黑安格斯肉眼扒配薯條」同「香煎鴨肝伴芹菜頭蓉及烤肉桂蘋果」！！
我喺一田用$98買塊扒都有d難度，而家兩樣夾埋仲要煮埋都只係$98，傻的嗎？！！呢個亦都係我要再encore嘅原因。
▼ 餐前必睇 ▼1. 午餐：前菜/甜品 + 主菜 ($98)，3樣要晒 ($128)
晚餐：$268起
2. 以上為慶祝法國國慶之推廣價，期限為即日起至27/7
3. 午餐last order係2:30pm，我哋2:30pm先入到去，都俾叫嘢食
▼ 餐前麵包 (免費) ▼
有3舊，兩細一大，麵包微暖，有粒粒穀物，不是hea餐包搽埋牛油食不錯。
▼ Smoked Salmon Salad ▼有4大塊煙三文魚，沙律菜亦新鮮靚仔，加埋檸檬汁感覺很fresh及醒胃
▼ Parma Ham Salad ▼個人認為味道及抵食度更勝前者，呢味本身有做好seasoning，唔似Salmon Salad只靠檸檬吊味。而蔬菜方面更有蕃茄、洋蔥、火箭菜，配合濃郁咸香嘅Parma Ham，味道更豐富出眾。
▼ 磨菇醬烤羊排配忌廉焗薯 ▼
羊架：咬落非常之咁腍，外層又有烤過的微香，肉汁四溢，Like！只可惜比較細舊，男仔就9成唔飽的了。磨菇醬：非常濃郁的cream加磨菇味，唔建議羊架點嚟食，因會搶埋羊嘅原味。
忌廉焗薯：一層薯仔，一層忌廉咁排，是一件很美味的藝術品！
▼ 香煎爐魚配香米 ▼
也是美味的一碟喔！
爐魚： 滑溜juicy，魚味香濃，皮薄微脆
汁：
用上法國的Virgin sauce，即橄欖油 + 檸檬汁 + 碎蕃茄 + 碎basil (又名羅勒/九層塔/金不換)
香米：
外型長長的，很特別！質感較乾身、黏性低，但有濃郁的穀物香，大少好鐘意。原來佢個名叫Basmati
rice，係比泰國香米更昂貴嘅香稻品種，主要由印度/巴基斯坦出口。
▼ Apple Juice (另加 $20) ▼
夏天真係要飲返杯凍嘢先舒服，加$20都在所不惜@@。
確係鮮搾的蘋果汁，亦夠凍，只係略嫌細杯咗啲，只係半杯多少少。
▼ 環境服務 ▼最重要的一點，侍應會自動奉上兩杯檸檬水，亦會自動為你添水。
小店的裝修很不錯，白色為主調，樓底又夠高，陽光透進來的時候，好有度假feel。見我哋凍到著外套，有人自動較細冷氣。LIKE!!
張貼
