GOOCA

營業中

休息中

🧭美食體驗：airside露營風咖啡店。閒日晚上去終於有位，我已經兩次周未去，全個商場係爆多人，根本食唔到野。想過黎慢慢食番餐好，閒日過黎會係個好選擇。始終啟德去香港邊一個地方都唔算係太遠。野食非常好食，影相都好靚。我對呢間鋪的評價好高以下我講既野基本上都係雞蛋挑骨頭。如果無去過呢間，完全可以直接book位黎。真心正。📸攝影打咭：裝修好有心思，主打露營風，不過如果真係想用黎影女仔，店入面的擺設好難營造出足夠的縱深感同空間感，佢地的枱、椅放置得太規律，而且相隔得較遠，要用黎設計出一個好睇的背景會有d難度。我坐的係高台位，睇得出係好比心機想做一個靚的打咭背景，不過佢背景有d地方用左透明膠包住一d野，係攝影角度就係死罪，成個feel cheap哂。果個高台位換左d透明膠布置，成件事會高級好多。不過利用高台向下影食物非常好。可以好簡單就影到好靚的角度。我幾鐘意。普通座位有用露營野做分隔，我覺得可以再加多少少露營燈，依家有d太過單調。我想利用黎影相，都覺得道具有啲少🪑環境座位：先講高台的燈位，佢用啲直射燈，有一個位係坐得好唔舒服，長時間好似有人用電筒照住咁。由於佢全力做露營，所以坐得都幾唔舒服。