影片
更多
2014-07-19
1471 瀏覽
有日搭2號巴士經過銅鑼灣道，發現呢間清新既cafe。綠色既sharp醒招牌加落地玻璃，透到店裡面既大大張梳化，看似幾舒服。冇考慮太多，就決定weekend要來試試。去到cafe，大概只有10枱，每枱既坐位都非常闊落，幾個朋友傾下計食下野幾唔錯。看到menu我嚇左一嚇，因為冇做太多既research，只係俾門面吸引了，所以冇expect一個dinner set竟然要$188(加一)所以我都係散叫算啦：all day breakfastall day breakfast係呢度既主打，內容都幾豐富：焗豆: 滿滿既一杯，焗豆係standard野，正常的味道啦~牛油粟米、牛油雜菇: 炒得好好味，唔會太油，非常香口炒蛋(可選煎蛋): 有d失望，如果係牛油炒蛋就好啦...早餐腸: 煎得香，但中間有啲乾，我諗係選料問題煙肉: 煎得岩岩好，唔會太硬，亦都唔會滴哂油，大滿足蕃茄: 有半個蕃茄，橫切面有烤過，香口，但不會煮得太熟，保持中間既juicy質感麥包: 食哂以上咁多樣野之後麥包已被太過強勁既冷氣吹到凍哂，麥包質感本身已經比較粗嚡，我相信熱果陣係ok既...窩夫: 最近泡菜國好似興起一陣窩夫風，我都好
去到cafe，大概只有10枱，每枱既坐位都非常闊落，幾個朋友傾下計食下野幾唔錯。看到menu我嚇左一嚇，因為冇做太多既research，只係俾門面吸引了，所以冇expect一個dinner set竟然要$188(加一)所以我都係散叫算啦：
all day breakfast
all day breakfast係呢度既主打，內容都幾豐富：
焗豆: 滿滿既一杯，焗豆係standard野，正常的味道啦~
牛油粟米、牛油雜菇: 炒得好好味，唔會太油，非常香口
炒蛋(可選煎蛋): 有d失望，如果係牛油炒蛋就好啦...
早餐腸: 煎得香，但中間有啲乾，我諗係選料問題
煙肉: 煎得岩岩好，唔會太硬，亦都唔會滴哂油，大滿足
蕃茄: 有半個蕃茄，橫切面有烤過，香口，但不會煮得太熟，保持中間既juicy質感
麥包: 食哂以上咁多樣野之後麥包已被太過強勁既冷氣吹到凍哂，麥包質感本身已經比較粗嚡，我相信熱果陣係ok既...
窩夫: 最近泡菜國好似興起一陣窩夫風，我都好想食，呢個all day breakfast入面竟然有，真係令人開心。外皮少少脆，中間煙韌彈牙，不過呢個dish冇配搭果醬，就有啲美中不足
我覺得牛油雜菇、蕃茄同窩夫對我來講都係bonus，因為唔係度度all day breakfast都有呢3樣野。
香煎帶子意大利飯份量剛剛好，芝士份量都係剛剛好，米飯吸收左湯既鹹香。唔知係咪為左配合番香港人口味，飯既質感淋左少少，個人認為意大利飯都係硬啲好食啲。帶子有啲酸，又係選料問題。飯中多車厘茄同菇，絕對係誠意之作。
肉醬千層麵肉醬睇黎係佢地自家剁既，因為形狀不太平均。肉醬汁好濃，係足料到我食唔落，因為我唔重口味。但千層麵既口感好一般，咬落好似膠膠地，有少少失望。
整體來講幾好食，我覺得all day brekfast好值得推介，不過唔知係咪晚餐時間冇set，如果有得跟餐飲會完美。
題外話/補充資料：
餐應冷氣大到吹凍哂d食物，我叫店員較細d個冷氣，佢o咀三秒，然後答我「好」。我諗個冷氣應該係冇得較果款。d食物凍得太快真係唔好食囉。
(以上食評乃用戶個人意見 , 並不代表OpenRice之觀點。)
張貼
