影片
更多
2018-01-20
646 瀏覽
下雨天， 想搵一間 cafe chill out 吓， 食個brunch 。入咗呢間餐廳 ，基本上全場都係鬼佬， 得我哋兩個本地人， 連侍應都係講英文 。個餐牌上面有好多好多選擇， 眼花繚亂 。最後揀咗一個覺得比較健康嘅選擇 ，呢個餐叫woodstock。 所有配料都係素食， 有半個牛油果 ，薯餅 ，炒蘑菇， 茄汁豆， 焗車厘茄 ，炒菠菜 ，我哋叫咗兩隻太陽蛋。 因為所有配菜都係冇加工 ，所以感覺比較健康 ，但其實佢好大份， 所以都好飽！ Club sandwich， 即係公司三文治 ，咩都 有: 雞胸， 煙肉 ，蕃茄，洋蔥 ，生菜 ，仲配埋薯條， 同埋一個美國南部椰菜沙律， 全部都好好味！ 其實我哋都叫咗兩杯嘢飲 ，但唔記得影相。 Americano冇特別，但係我叫咗一個 Nutella Mocha，好肥好好味！
入咗呢間餐廳 ，基本上全場都係鬼佬， 得我哋兩個本地人， 連侍應都係講英文 。個餐牌上面有好多好多選擇， 眼花繚亂 。
最後揀咗一個覺得比較健康嘅選擇 ，呢個餐叫woodstock。 所有配料都係素食， 有半個牛油果 ，薯餅 ，炒蘑菇， 茄汁豆， 焗車厘茄 ，炒菠菜 ，我哋叫咗兩隻太陽蛋。 因為所有配菜都係冇加工 ，所以感覺比較健康 ，但其實佢好大份， 所以都好飽！
Club sandwich， 即係公司三文治 ，咩都 有: 雞胸， 煙肉 ，蕃茄，洋蔥 ，生菜 ，仲配埋薯條， 同埋一個美國南部椰菜沙律， 全部都好好味！
其實我哋都叫咗兩杯嘢飲 ，但唔記得影相。 Americano冇特別，但係我叫咗一個 Nutella Mocha，好肥好好味！
張貼
