Asian Lab

營業中

休息中

黃埔咁多餐廳，星馬泰嘅菜式係相對較少，有日街坊推介話新開左一間Asian Lab，仲要話水準唔錯，一於試下。呢個brand喺第二個區都聽講過，呢個餐廳嘅廚好似好勁，係來自東南亞，越南嘢泰國嘢同新加坡嘢都做得非常好，唔知邊個鄉下，一於樣樣都試一試，睇下邊個菜式做得好啲。有街坊話粉包好食，吃了扎肉蟹肉蝦米豬肉碎蒸粉包，個蒸粉包感覺好豐滿，而家個皮真心有點越南感覺，呢個近似我小時候係西九龍中心的越式美食嘅回憶。燒豬頸肉伴青木瓜沙律中我覺得燒豬頸肉燒得特別好食，而沙律就好清新，兩樣野加埋剛剛好。非常愛巴生肉骨茶，肉骨茶有勁濃的當歸味，加上川芎等多種藥材，用上嘅係一字骨，唔肥唔瘦，而家咬落去有強烈嘅湯頭香。要試餐廳嘅水準，一定要試馬來炒粿條，鑊氣都算夠，當然可能未必有中式咁好，但料夠足，炒得算好，最愛有勁濃味嘅臘腸。店員推薦話一定要食海鮮喇沙，個人尚算滿意，當然因為外間實在有太多好嘅喇沙，呢個未至於有大驚喜。當然要飲越南滴漏咖啡，都係幾好，當然去峴港返嚟之後飲過蛋咖啡就會覺得滴漏咖啡太普通 ，但以香港普遍越南菜嘅質素，呢個收貨。區內嘅朋友應該都會滿意，要止下癮食東南亞菜，絕對係一個不錯的選擇。