Patisserie Yamakawa (已結業)

Yamakawa 係我係香港食過最好食嘅蛋糕，每款蛋糕都係水平之上，尤其呢個栗子蛋糕，大方得體，而且絕對唔偷工減料好重手。上層滿佈栗子蓉，好smooth唔膩，下層嘅蛋糕同cream好light唔會搶咗栗子嘅甜味，配埋手指餅成件事完全係將平時栗子蛋糕好老餅嘅形象變到好grand，除左家父喜歡食之外，平時唔鍾意栗子蛋糕嘅屋企人都覺得呢個蛋糕好岩口味。三百幾蚊一個蛋糕話貴唔貴，但係若然二百幾蚊都只係食啲連鎖店嘅蛋糕，投資係一個呢個蛋糕度絕對係物超所值。