有緣小敍 (已結業)

突然好想食辣野，今晚黎呢間陝西菜食。前菜叫陝西涼皮入口冰涼爽口，酸辣味道平衡得宜，涼皮滑溜，叫左小辣，我覺得迎合左香港人，所以係香多過辣。香煎羊架，係羊架切塊，用孜然炒香，羊味濃而不羶，香料調味適中。仲叫左金沙骨biangbiang麵。金沙骨有三大舊，唔柴。搭配有嚼勁嘅biangbiang麵，同炸蒜，炸紫菜，辣椒油，biangbiang麵好彈牙。韭菜餃biangbiang麵同樣出色，韭菜餃應該係手工包嘅，包得好飽滿，韭菜味濃。最後，仲叫左個肉夾饃，加錢加埋青椒。外層饅頭香脆鬆化，內裡夾住肉餡，鹹香味濃，啖啖肉香。呢間陝西菜價格相宜，大推biangbiang麵。