影片
更多
2023-04-10
123 瀏覽
呢間餐廳我book mark咗好耐，今次終於有機會嚟食，點知原來係個伏嗰度係出去落order即刻俾錢，我叫咗海鹽焦糖雞翼，焦糖香蕉雲呢拿雪糕配牛角酥窩夫，北海道刺身帶子蟹籽忌廉扁意粉，最尾加個雞軟骨餃子，個職員問我係咪要加side dish嗰個(+$28)，我話係，比完錢就返埋位cashier個位好高，我又生得矮，佢哋個音樂又好大聲，我又戴住口罩，其實已經好難聽到對方講咩，但係落單嗰位職員同佢後面嗰位同事唔知係講緊嘢定玩緊(?)，成日冇喇喇係到笑，落單期間，有幾次都因為我唔知佢有冇聽緊我講嘢，而我要等佢有反應，我先繼續落單，其實落單都係幾分鐘嘅事，可唔可以專心一陣，落完單先繼續玩？！落完單我朋友嚟到，我哋揀埋嘢飲，朋友再出去落單，朋友諗住同我慶祝生日，出到去cashier叫佢寫Happy Birthday+(我個名)喺個甜品到同叫嘢飲，點知落單嗰嗰職員(好似係頭先喺後面笑個嗰)又冇喇喇係咁笑，仲話你叫凍飲冇得寫字，乜料？！我個朋友最後再comfirm多次同串多次我個名，點知嚟到嘅係…朋友之後同我講返，佢諗住去餐廳之前打去同餐廳講喺甜品到寫字，點知打極都冇人聽🤷🏻♀️杯抹茶好難飲，兩杯都
嗰度係出去落order即刻俾錢，我叫咗海鹽焦糖雞翼，焦糖香蕉雲呢拿雪糕配牛角酥窩夫，北海道刺身帶子蟹籽忌廉扁意粉，最尾加個雞軟骨餃子，個職員問我係咪要加side dish嗰個(+$28)，我話係，比完錢就返埋位
cashier個位好高，我又生得矮，佢哋個音樂又好大聲，我又戴住口罩，其實已經好難聽到對方講咩，但係落單嗰位職員同佢後面嗰位同事唔知係講緊嘢定玩緊(?)，成日冇喇喇係到笑，落單期間，有幾次都因為我唔知佢有冇聽緊我講嘢，而我要等佢有反應，我先繼續落單，其實落單都係幾分鐘嘅事，可唔可以專心一陣，落完單先繼續玩？！
落完單我朋友嚟到，我哋揀埋嘢飲，朋友再出去落單，朋友諗住同我慶祝生日，出到去cashier叫佢寫Happy Birthday+(我個名)喺個甜品到同叫嘢飲，點知落單嗰嗰職員(好似係頭先喺後面笑個嗰)又冇喇喇係咁笑，仲話你叫凍飲冇得寫字，乜料？！我個朋友最後再comfirm多次同串多次我個名，點知嚟到嘅係…
朋友之後同我講返，佢諗住去餐廳之前打去同餐廳講喺甜品到寫字，點知打極都冇人聽🤷🏻♀️
杯抹茶好難飲，兩杯都叫咗少冰，但係成杯都係冰
雞翼好乾，唔知焦糖個焦係邊，得蜜糖
意粉正常，冇特別
牛角酥窩夫，好煙靭，冇啲牙力都咬唔到🙂
我返到屋企我同朋友計返錢，屎忽痕計下條數，點知發現收多咗$40，我之後個日打返去餐廳，好多次都冇人聽，之後ig有dm佢地，冇人應，最後終於喺fb揾到有個whatsapp係有人回覆
我同佢講返，佢話“我地有兩個potion side dish potion 會細D 要註明order 你嗰個係全份 正常potion”，我心諗，你menu冇寫一份有幾多，我當時唔會知我食個份係咩potion
之後佢仲要問我“咁你最後 碟餃子有幾多條？”，我答3，其實我最後碟餃子有幾多條，佢地都係有問題，首先我係要加side dish(+$28)，仲要係啲職員confirm咗係要side dish，你收多我$40都已經講唔通，第二，我唔會知係有分兩個potion，就算我食3條定5條都唔應該要我比多$40，第三，如果我真係知道正常potion係要俾多$40先多兩條，我會唔會咁蠢會叫正常potion
過咗一日，佢竟然覆我”你下次嚟補返2 條餃子俾你 🙏🏻”，吓？吓？吓？，有冇事呀？我唔會再幫趁你，你仲要我特登過嚟食你兩條餃子？仲要你個兩條餃子根本唔值$40！
雖然最後佢係payme返我，但唔好意思都冇句，搞咗我兩日，我同朋友講，佢話真係要blacklist呢間餐廳，成間餐廳得嗰個男仔態度係好，真係做嘢，其他女仔同whatsapp個個人(我諗係大粒嘢🤔)都唔知想點
去呢間食真係要check單！！！
雖然冇加一服務費，但係都冇諗過冇服務到咁🤷🏻♀️
另外，廁所係壞嘅，話要過對面馬路嘅公廁，我睇到之前啲食評都係講過呢個問題，我諗應該係長期壞嘅🤷🏻♀️
張貼
