Amour Garden Grill & Bar (已結業)

之前都食過另一間Amour既分店，覺得CP值都高，所以都有信心黎試埋呢間，工作辛苦咗成日，最開心都係無非去据扒歎下。前菜前菜可以揀湯或者沙律，我揀咗個田園沙律，都算係幾有誠意，至少唔係成碗草，加咗粟米同車里茄，沙律菜亦都係有精心篩選，都比較嫩同新鮮，份量都幾大，最緊要芝麻沙律醬好足夠，可以成碗沙律都撈得勻。安格斯西冷煎到6成熟既西冷扒帶點血水，肉質都很嫩，很有肉味得黎又有肉汁，都幾滿意。配菜只係沙律，所以前菜應該揀湯。羊T骨扒呢個真係非常好食！唔太鍾意食羊既人都應該會非常欣賞，佢羶味唔太勁，配上Rosmarry, 令羊不會一味只有羊羶味，反而令羊羶味更acceptable, 另外更成功煎到肉汁鎖緊在裡味，外面就煎到油香滿溢，咬開好有驚喜，唔會令人失望，唯獨係份量有點細。