影片
更多
2022-05-15
559 瀏覽
今日嚟到中環嘅Burger Circus📺以前睇美劇成日都會見到主人公去食漢堡包店，今次嚟到呢一間餐廳，覺得真係好似行咗去🇺🇸美劇世界咁，不論係餐廳嘅服務、食物、四周圍嘅環境，都同美劇冇太大落差，值得美劇迷去試吓😆今次我哋嗌咗：The BBB🫐餐廳每一個月都有當月嘅推介，今次呢一個係藍莓醬漢堡包，我見waitress 極力推薦，梗係要試吓啦！ 本身都擔心有少少伏😳，始終藍莓醬係甜嘅、漢堡包係鹹嘅，會唔會好怪呢？竟然又OK喎！識落其實好似去咗IKEA食肉丸配紅莓醬咁，🤣鹹鹹地甜甜地，感覺幾得意。佢裏邊亦都有比較少見嘅布里乾酪，唔會有拉斯嘅效果，識落亦都好乾身，不過有一種獨特嘅芝士香味，我覺得係值得一試嘅👌👌👌！CLASSIC BURGER 🍔 呢一個漢堡包係餐廳主打嘅，朋友食落就覺得塊牛肉漢堡有少少乾身♨️，我自己都認同，如果可以濕潤返少少，就會更加易入口，不過佢嘅醬汁都唔錯，係芥辣醬構成嘅，感覺都幾飽🫃。Combo 只要加30幾蚊，就可以將漢堡包升級做套餐，會有多一份薯條🍟同埋嘢飲🥂選擇，我覺得佢嘅薯條揸得幾香脆，只不過係鹹得滯，唔係好適合亞洲人嘅口味，可能要同餐廳講定話少鹽先。🧂Ore
📺以前睇美劇成日都會見到主人公去食漢堡包店，今次嚟到呢一間餐廳，覺得真係好似行咗去🇺🇸美劇世界咁，不論係餐廳嘅服務、食物、四周圍嘅環境，都同美劇冇太大落差，值得美劇迷去試吓😆
今次我哋嗌咗：
The BBB🫐
餐廳每一個月都有當月嘅推介，今次呢一個係藍莓醬漢堡包，我見waitress 極力推薦，梗係要試吓啦！ 本身都擔心有少少伏😳，始終藍莓醬係甜嘅、漢堡包係鹹嘅，會唔會好怪呢？竟然又OK喎！識落其實好似去咗IKEA食肉丸配紅莓醬咁，🤣鹹鹹地甜甜地，感覺幾得意。佢裏邊亦都有比較少見嘅布里乾酪，唔會有拉斯嘅效果，識落亦都好乾身，不過有一種獨特嘅芝士香味，我覺得係值得一試嘅👌👌👌！
CLASSIC BURGER 🍔
呢一個漢堡包係餐廳主打嘅，朋友食落就覺得塊牛肉漢堡有少少乾身♨️，我自己都認同，如果可以濕潤返少少，就會更加易入口，不過佢嘅醬汁都唔錯，係芥辣醬構成嘅，感覺都幾飽🫃。
Combo
只要加30幾蚊，就可以將漢堡包升級做套餐，會有多一份薯條🍟同埋嘢飲🥂選擇，我覺得佢嘅薯條揸得幾香脆，只不過係鹹得滯，唔係好適合亞洲人嘅口味，可能要同餐廳講定話少鹽先。🧂
Oreo Milkshake
我朋友嗌咗呢一杯曲奇奶昔🍪，真係好適合打卡、好夢幻，朋友好鍾意甜野嘅，就啱晒佢啦。😍
Arnold Palmer
抱住一試無妨嘅心態，嗌咗呢一杯Arnold Palmer，酸酸地甜甜地，上網查一查先知原來係Lemonade mix ice tea，喺美國嗰邊獨有嘅飲品，可以再戰！😃
最後要提一提就係佢嘅服務真係好正，用餐嘅時候佢會比一頂粉紅色嘅cap或者一副煲呔俾你，感覺好有氣氛同埋好新奇， waitress都好在乎你嘅諗法，會問你用餐嘅體驗如何，好有賓至如歸嘅感覺。😍😍😍
——————為食分界線——————
📍 Burger Circus (中環)
中環蘇豪荷李活道22號地舖
推介指數 🤰🤰🤰🤰(4/5)
好味指數 🤰🤰🤰🤰(4/5)
抵食指數 🤰🤰🤰🤰(4/5)
環境推介 🤰🤰🤰🤰🤰(5/5)
人均消費： $150
#mariofatfat #hkfoodie #Foodie #為食馬利奧 #馬利奧美國菜 #BurgerCircus #中環 #central #荷李活道 #soho #美劇 #BBB #CLASSICBURGER #牛肉漢堡 #乾身 #Combo #薯條 #OreoMilkshake #Oreo #Milkshake #打卡 #夢幻 #ArnoldPalmer #美國 #服務
張貼
