大中華飯店 (已搬遷) 新店位置

中國人食團年飯，當然要揾番間中菜館，一講到食小炒，點會唔諗到大中華呢？不過真係要訂枱，臨近歲晚，想有位都好難，重要訂左大枱都要等‥‥‥自助式寫單，寫好就俾伙記幫你落，就算買飲品啤酒，都要自己行過隔離士多買，食得地茂，環境就唔好諗，toilet就更加唔好提，大家志在享受食物！豬手，我都無謂介紹，都介紹都爛晒，一個字“正”！ 炒菜都OK！土匪雞，人人都有一隻，我覺得唔係志在食，係志在有得撕雞，雖則得一對手套，但大家既合作精神值得加分。講番隻雞，肉都嫩，不過都係覺得撕雞先係個gimmick位！花甲，本人少食，但都覺得好好食，清甜無沙，煮到岩岩好，大讚！因為大中華確實有太多好野食，豬手呀、雞呀，好似搶晒風頭，點知呢個鱔，個人覺得係成晚之冠，香口又脆，南乳味又唔太濃，自己想食幾重口味就自己點個碟仔，炸完之後仍然保留到鱔既味，嬴晒！全晚最差之選，外皮唔夠脆（可能都應該唔脆），入面太“林”，食落口好似係“梅”既感覺，所以對呢個印象唔太好！朋友話一定要叫呢個，我都係第一次試，少少飯焦，都香口，不過就少左臘腸味，不過都ok！因為隻數既關係，我係無緣食到，但唔緊要，朋友食完都讚不絕口，所以呢個都係推薦之