影片
更多
2016-08-16
4079 瀏覽
C+搵食團 || 尋回那些年兒時玩意情懷 - 【觀塘】開餐達人最近大台劇講九龍城寨有唔少舊香港情懷小玩意相信好多年輕人都未經歷過--要體驗舊香港情懷以前可能一定要去博物館感受不過依家可以多一個選擇喇 【觀塘】開餐達人--開餐達人以懷舊香港做主題既餐廳 唔同既用餐時段午市、下午茶、晚市會提供唔同食物主題啱晒香港轉得快既餐廳潮流要食晒成間餐廳既出問就要分3果時段黎幫襯喇-- 今次ms.C就同友人'sss幫襯晚市市段真係估唔到既晚市竟然係任飲任食火窩（平日：$158 / per + 10%)--ms.C呢個邊爐控都係第一次係Cafe打邊爐無論環境 / 食物都帶黎唔少意外驚喜--開餐達人既位置都係係工廈入面不過入到間工廈有少少迷路好彩都有d指示點行--入到餐廳入面同出面有好大既反差即時時光倒流去返前搵到好多久遺了既兒時小玩意發泡膠飛機、厚PatPat既電視機、波子棋、飛行棋等等老香港情懷一一呈現眼前勾起好多兒時回憶--用上唔怕打爛既膠餐具顏色勁吸引枱面仲有棋紙做裝修玩味一流--講返野食即Cafe打邊爐會有咩食？--開餐達人咁特別既地方當然湯底都有d唔同喇佢地呢度既任食邊爐叫做三「王」一「后」
C+搵食團 || 尋回那些年兒時玩意情懷 - 【觀塘】開餐達人
最近大台劇講九龍城寨
有唔少舊香港情懷小玩意
相信好多年輕人都未經歷過
--
要體驗舊香港情懷
以前可能一定要去博物館感受
不過依家可以多一個選擇喇
【觀塘】開餐達人
--
開餐達人以懷舊香港做主題既餐廳
唔同既用餐時段
午市、下午茶、晚市會提供唔同食物主題
啱晒香港轉得快既餐廳潮流
要食晒成間餐廳既出問
就要分3果時段黎幫襯喇
--
今次ms.C就同友人'sss幫襯晚市市段
真係估唔到既
晚市竟然係任飲任食火窩
（平日：$158 / per + 10%)
--
ms.C呢個邊爐控
都係第一次係Cafe打邊爐
無論環境 / 食物
都帶黎唔少意外驚喜
--
開餐達人既位置都係係工廈入面
不過入到間工廈有少少迷路
好彩都有d指示點行
--入到餐廳入面同出面有好大既反差
即時時光倒流去返前
搵到好多久遺了既兒時小玩意
發泡膠飛機、厚PatPat既電視機、
波子棋、飛行棋等等
老香港情懷
一一呈現眼前
勾起好多兒時回憶
--用上唔怕打爛既膠餐具
顏色勁吸引
枱面仲有棋紙做裝修
玩味一流
--講返野食即
Cafe打邊爐會有咩食？
--
開餐達人咁特別既地方
當然湯底都有d唔同喇
佢地呢度既任食邊爐
叫做三「王」一「后」
--
三「王」就係係四款特色湯底入面選三款
平時邊爐最多都係鴛鴦湯底
呢到就可以特別地叫
用上「三格格」既窩
有3款湯底可以食
一次過滿足三款口味
三格格湯底
82 瀏覽
1 讚好
0 留言
其中一款固定必選九州豬骨濃湯 +
清湯牛魔王 / 韓國海鮮海龍王 / 重慶辣雞王（三選二）
--
我地就叫左
必選九州豬骨濃湯 + 韓國海鮮海龍王+ 重慶辣雞王
--
豬骨濃湯百搭湯底
唔使點特別介紹
唔會太過鹹
--
韓國海鮮海龍王（微辣）
有少少似龍蝦湯既味道
湯底入面有青口等配料
ms.C覺得用黎灼肉最好味
--
最後就係重慶辣雞王
因為ms.C唔食辣
所以都係男友 & 朋友食
佢地話唔夠出面雞煲惹味
--飲品就有基本既罐裝汽水
仲有兩款果汁
--叫完湯底就當然叫野食喇
野食都算多選擇
一張紙睇晒有咩食
--有基本既肉肉、特式丸類、同蔬菜
D野黎齊就「烚」喇喂
--我地呢D食肉獸當然要叫肉肉喇
既都係基本既牛肉、豚肉、雞肉
--
呢到餐廳既肉類
都拍得住出面其他地方
叫左幾轉美國牛肉
都Keep住新鮮
望落紅噹噹
肉&脂肪分明
--豚肉就較為特別
烚完出黎
出奇地好滑
完全冇冰鮮味
--其他肉肉 & 海鮮都好新鮮
一碟四格
慳好多位
--嚮鈴、炸魚皮
仍然新鮮脆口
冇漏氣
--丸類都有好特別
有部份特別注明係台灣既丸丸
其中最特別有台灣Minion 芝心包
--有可愛既Minion係上面
芝心都好香
唔捨得將佢地放入口
P.S 小心流心辣口
--用大碗上既雜丸
完全溶晒冰先上
好過好多任飲任食質素
--（前到後：台灣咖哩丸、黑松露丸、
牛丸、墨魚丸）
--墨魚丸都好正
食到有墨魚肉
唔係得舊粉
--
P.S D丸可以逐粒叫
咁就可以試多幾款喇
--
食晒D肉 & 丸都未夠飽既
可以再叫拉面、烏冬
用黎配韓國海鮮海龍王
味道好香
煙煙韌韌
--最後當然仲有甜品食喇
有3款雪糕選擇
不過可能我地太夜了
食唔到九龍城原味雲尼拿雪糕
咁叫左台灣朱古力味雪糕 & 韓國豆腐味雪糕
-- 上枱一大個雪到勁硬既波波
朱古力味濃
唔會太甜
--
以豆腐味雪糕就好清
味道似似豆腐花既味
--
因為粒雪糕波波太冰既關係
要好耐先溶
可以慢慢歎
--
P.S
開餐達人既Menu都好得意
用「新聞紙」黎做設計
入面除左有介紹有咩食之外
仲有介紹好多兒時既小遊戲
例如「天下太平」、「跳橡筋繩」、「007 入子彈」等等
可以問下服務員拎份睇下
懷緬下那些年！
--今次打邊爐
叫到成枱都係野食
冇地方可以玩到兒時既下小遊戲
等再約個時間
再同朋友黎食Tea先
--
開餐達人 || 觀塘開源道47號凱源工業大廈1樓B室
--張貼
