影片
更多
2019-06-20
562 瀏覽
如果你鍾意小清新嘅Cafe，但又鍾意飲酒，咁「梔子」應該就係最好嘅選擇！聽聞係由兩位鍾意去旅行嘅女仔開嘅，而且兩位仲極熱愛飲酒，所以就開咗呢間日頭係Cafe、夜晚係小酒館嘅「Cafe型小酒館」，主打健康輕食、手工啤、Cocktail、清酒等。由於小妹係Lunch去，所以未有感受酒館氣氛，但日頭去一樣好Chill好正。店內以小清新風格為主，最靚嘅打卡位係面向街嘅半開放式座位同店內嘅梔子花樹。食物方面以簡約、原味為主，非常健康。Avobagel($78)值得推介，以牛油果、蛋、忌廉芝士放入鬆軟微暖嘅貝果包入面，芝士濃郁、蛋香、牛油果軟滑，居然有Comfort Food嘅效果。原以為芝士蘑菇釀雞翼($68)呢啲手工菜唔會喺小店出現，但「桅子」卻整得外脆內軟，估唔到如此心機菜做得頗有家庭味道。鮮帶子黑松露意大利麵($168)味道尚可，惟份量較少，性價比唔高。另外又嗌咗由士多啤梨、番石榴同雪梨打成嘅Strawberry Dream($58)果汁，頗清潤解渴。
由於小妹係Lunch去，所以未有感受酒館氣氛，但日頭去一樣好Chill好正。店內以小清新風格為主，最靚嘅打卡位係面向街嘅半開放式座位同店內嘅梔子花樹。
食物方面以簡約、原味為主，非常健康。Avobagel($78)值得推介，以牛油果、蛋、忌廉芝士放入鬆軟微暖嘅貝果包入面，芝士濃郁、蛋香、牛油果軟滑，居然有Comfort Food嘅效果。
原以為芝士蘑菇釀雞翼($68)呢啲手工菜唔會喺小店出現，但「桅子」卻整得外脆內軟，估唔到如此心機菜做得頗有家庭味道。
鮮帶子黑松露意大利麵($168)味道尚可，惟份量較少，性價比唔高。
另外又嗌咗由士多啤梨、番石榴同雪梨打成嘅Strawberry Dream($58)果汁，頗清潤解渴。
張貼
