添飲咖啡館 (已結業)

成日想去呢間cafe歎下，終於襯住自己放假嚟試下，同朋友吹下水，畢竟而家太少相聚既時間。粉嶺以cafe嚟講，我估呢間既環境算數一數二舒服，如果要入到鹿頸果d又唔同feel，所以係度進餐係幾舒服既。All day breakfast, 食物唔算太有驚喜，看圖識字，其中一張係影個自家制麵包，好好食，香草，香料，蕃茄乾等等等，唔係好識形容麵包……個味又好食，個質又好食，一個字正！！！其他就水準以內。水牛城雞翼，味香濃，熱辣辣，不錯。😑薄荷咖啡，好甜，嬴張相…… 唔太飲得清楚咖啡原味😊另外朋友仔叫左杯latte, 話合理味道。黑松露薯條，幾香松露味，但唔係好夠熱脆口，扣少少分。總括食物嚟講唔錯，價錢唔算平，環境舒適。不過打電話去查詢營業時間，店員態度欠佳，去到落單，男店員（似老闆）幾好，另外後生女店員亦不太耐煩。