影片
更多
2022-06-12
5383 瀏覽
一早想喺OpenRice訂枱黎慶祝生日，不過一直都話error。最後要用App訂位，訂左星期日下午2點。大部分客人都係2點陸續入座。之前喺相見過呢度有好靚嘅花花牆打卡，今次特別講明要坐嗰頭。入面唔係全部位都有花花牆，不過座位都靚。第一次黎，一定要試試招牌下午茶啦！Camellia x Paul & Joe 20 周年盛夏巴黎下午茶 $488 兩位 另加一 下午茶食物用兩層金色金屬架上枱，好精美。鬆餅另外用一個玻璃盒放好。雪條就用一隻碟放好。食物一共有4鹹8甜。金桔撻細細個，食落好甜而多汁，個撻皮都夠脆，上面有一片小金桔。烏龍泡芙大大件，原來係天鵝造型，好吸引眼球，食落慕絲超滑溜而重烏龍茶味，泡芙就唔多脆。生牛他他多士既生牛他他份量好多，食落好味道又嫩，撈左洋蔥碎同加上一條菜苗。下底既多士好脆。紅桑子奶凍係用細玻璃杯裝，層次分明，上面有細細片新鮮紅桑子同朱古力珠珠，食落唔會太甜，好滑。雲呢拿瑪德琳係普通瑪德琳蛋糕仔加左半邊粉紅朱古力面，都唔會太甜。黑松露芝士撻既撻皮可以，上面既芝士慕絲好滑，黑松露味都夠香。士多啤梨脆皮雪條就得一條，點分呢? 雪條係白朱古力皮，雪糕就味道普通，不過有士多啤
之前喺相見過呢度有好靚嘅花花牆打卡，今次特別講明要坐嗰頭。入面唔係全部位都有花花牆，不過座位都靚。
第一次黎，一定要試試招牌下午茶啦！
Camellia x Paul & Joe 20 周年盛夏巴黎下午茶
$488
123 瀏覽
0 讚好
0 留言
Camellia x Paul & Joe 20 周年盛夏巴黎下午茶 $488 兩位 另加一
Camellia x Paul & Joe 20 周年盛夏巴黎下午茶
$488
227 瀏覽
0 讚好
0 留言
下午茶食物用兩層金色金屬架上枱，好精美。鬆餅另外用一個玻璃盒放好。雪條就用一隻碟放好。
Camellia x Paul & Joe 20 周年盛夏巴黎下午茶
$488
106 瀏覽
0 讚好
0 留言
食物一共有4鹹8甜。
Camellia x Paul & Joe 20 周年盛夏巴黎下午茶
$488
137 瀏覽
0 讚好
0 留言
金桔撻細細個，食落好甜而多汁，個撻皮都夠脆，上面有一片小金桔。
烏龍泡芙
50 瀏覽
0 讚好
0 留言
烏龍泡芙大大件，原來係天鵝造型，好吸引眼球，食落慕絲超滑溜而重烏龍茶味，泡芙就唔多脆。
生牛他他多士既生牛他他份量好多，食落好味道又嫩，撈左洋蔥碎同加上一條菜苗。下底既多士好脆。
紅桑子奶凍係用細玻璃杯裝，層次分明，上面有細細片新鮮紅桑子同朱古力珠珠，食落唔會太甜，好滑。
雲呢拿瑪德琳係普通瑪德琳蛋糕仔加左半邊粉紅朱古力面，都唔會太甜。
黑松露芝士撻既撻皮可以，上面既芝士慕絲好滑，黑松露味都夠香。
士多啤梨脆皮雪條
56 瀏覽
0 讚好
0 留言
士多啤梨脆皮雪條就得一條，點分呢? 雪條係白朱古力皮，雪糕就味道普通，不過有士多啤梨夾心。上面加左一片新鮮士多啤梨，白朱古力片，紅桑子慕絲，隻碟伴有朱古力脆脆珠珠同脆餅碎。
日本柚子馬卡龍
41 瀏覽
0 讚好
0 留言
日本柚子馬卡龍係貓臉造型，大大粒，入面柚子醬好香甜，外皮夠脆。好味道。
吞拿魚腩蓉牛油果配紫菜片造型特別，紫菜片應該炸過，又薄又脆，上面有滑溜吞拿魚腩蓉，牛油果味就較弱。呢個好味。
英式鬆餅配士多啤梨果醬及德文郡忌廉
64 瀏覽
0 讚好
0 留言
英式鬆餅配士多啤梨果醬及德文郡忌廉
63 瀏覽
0 讚好
0 留言
英式鬆餅配士多啤梨果醬及德文郡忌廉就超迷你，太細個，而且味道好差，非常黏濕。忌廉完全唔滑，散散地。士多啤梨果醬又好稀。
意大利風乾火腿及無花果法包就係唔脆既法包片上面有少少火腿，一小片無花果同橙色車厘茄，一口食完可能會唔錯，我分開左食。
白巧克力熱情果慕絲係招牌花造型，食落好滑溜，有白朱古力慕絲包住熱情果慕絲，下底一塊薄薄曲奇托底，唔會太甜。好食。
個下午茶包兩杯普通飲品，可以加錢升級飲品。
香橙薑茶
$39
36 瀏覽
0 讚好
0 留言
香橙薑茶 加$39 另加一
呢個香橙薑茶可以半價升級，用暖爐暖住，飲落有香橙甜味之餘帶適當薑味，好飲，仲可以免費加熱水，當然越飲越淡。
Berry Gift Lassi
$44
27 瀏覽
0 讚好
0 留言
Berry Gift Lassi
$44
26 瀏覽
0 讚好
0 留言
Berry Gift Lassi 加$44 另加一
呢隻杯好重，Berry Gift Lassi 都大大杯，入面有新鮮藍莓同紅桑子，飲落都有少少奶味，味道唔甜。
當然每人送一包Paul & Joe產品，入面有兩種粉底同一張唇膏劵。
楊枝甘露雲卷，芒果芝士蛋糕
$70
46 瀏覽
1 讚好
0 留言
楊枝甘露雲卷 $48 另加一
楊枝甘露雲卷
$48
27 瀏覽
0 讚好
0 留言
另外加左個兩件蛋糕，楊枝甘露雲卷係黃色卷蛋上面有白色忌廉，仲有新鮮芒果肉同柚子，上面有一支迷你芒果汁比你自己加汁，等蛋糕中間更濕潤。卷蛋食落都鬆軟，有芒果汁食更好食，忌廉都唔會過膩，真係幾楊枝甘露。呢個牌子既雲朵蛋糕一向好食。
芒果芝士蛋糕 $22 另加一
芒果芝士蛋糕分3層，上面係一層啫喱，中間係芝士慕絲，最底係脆餅。size非常細件，味道好差，芝士味唔夠濃，質素好低。
隻碟伴有脆餅碎。
下午茶上枱時先知無生日牌，一問之下先知原來要叫主餐牌食物先有，點解唔一早講呢? 我地訂位時已要求安排生日牌啦。
粉夢星球
$138
30 瀏覽
0 讚好
0 留言
粉夢星球 $138 另加一
粉夢星球
$138
25 瀏覽
0 讚好
0 留言
老實講，主餐牌甜品定價幾貴。揀左呢個粉夢星球，即係大熱敲敲蛋糕，粉紅朱古力外殼入面有一粒朱古力馬卡農，紅桑子慕絲，朱古力珠珠，新鮮士多啤梨，紅桑子同藍莓各一。朱古力球下底有紅桑子慕絲定位，仲有少少粉紅色麵包碎，質感就奇怪，另外有4粒新鮮紅桑子。呢個甜品就免費加朱古力祝福語同蠟燭。呢款甜品都係以玩同影相居多，食落可以，兩個人食哂所有朱古力都唔太甜，不過無特別。
總括而言，呢度打卡一流，食物除咗鬆餅同芝士蛋糕較差之外其他都唔錯，造型精緻。用餐時間90分鐘，真係會準時叫你走。環境特別又靚，服務可以好d，不過呢個價錢都唔算貴呀。
張貼
