更多
2023-12-15
352 瀏覽
💖終於等到care bears聯名餐廳,今次佢地同出名韓式餐廳Terrace in seaside合作,食物質素有保證,即刻去元朗分店打卡,聽講啟德店仲有超大型care bears可以打卡添🫢。除左食物外,餐廳仲提供gift set,包括水杯、曲奇餅🍪、優惠卷等,計落幾抵買。入座會附送小食:開胃嘅醃蘿蔔同微辣香口嘅魚糕。1⃣️熊仔頭螄蚶伴飯🐻 💖佢地其中一款常見菜色今次搖身一變,以熊仔形狀出現,適合打卡!飯粒微濕潤、微辣嘅調味開胃香口,螄蚶同蝦🦐鮮香,另外搭配嘅清新沙律菜同橙就中和左呢碟嘅鹹香同辣味。2⃣️愛心傳播飯卷💗 💖好得意,連飯都染成彩虹色🥺!配料有胡蘿蔔絲、青瓜絲🥒同雞蛋絲🥚,飯粒飽滿、切面靚,食落清新輕盈!同樣配有沙律菜、車厘茄同柑橘。3⃣️彩雲窩夫🧇 💖份量好大😳,而且cream比得超多,係入口即溶個種嘅口感,味道香甜,幾邪惡😂、建議至少2人share。另外一款cream仲調成彩虹色,灑上彩虹糖珠同柑橘作裝飾。我幾鍾意佢地嘅窩夫,外殼微脆帶餘溫,咬落鬆軟,蛋香味濃郁,食完都幾飽。4⃣️彩虹樂園蛋糕🌈 💖口感同我想像中唔同😲,呢度嘅cream偏實、更buttery,口感較waffle嘅cr
1⃣️熊仔頭螄蚶伴飯🐻
💖佢地其中一款常見菜色今次搖身一變,以熊仔形狀出現,適合打卡!飯粒微濕潤、微辣嘅調味開胃香口,螄蚶同蝦🦐鮮香,另外搭配嘅清新沙律菜同橙就中和左呢碟嘅鹹香同辣味。
2⃣️愛心傳播飯卷💗
💖好得意,連飯都染成彩虹色🥺!配料有胡蘿蔔絲、青瓜絲🥒同雞蛋絲🥚,飯粒飽滿、切面靚,食落清新輕盈!同樣配有沙律菜、車厘茄同柑橘。
3⃣️彩雲窩夫🧇
💖份量好大😳,而且cream比得超多,係入口即溶個種嘅口感,味道香甜,幾邪惡😂、建議至少2人share。另外一款cream仲調成彩虹色,灑上彩虹糖珠同柑橘作裝飾。我幾鍾意佢地嘅窩夫,外殼微脆帶餘溫,咬落鬆軟,蛋香味濃郁,食完都幾飽。
4⃣️彩虹樂園蛋糕🌈
💖口感同我想像中唔同😲,呢度嘅cream偏實、更buttery,口感較waffle嘅cream厚重得黎更滑。彩虹色蛋糕體本身偏乾,但配上呢種質地嘅cream反而啱啱好!唔會過膩之餘都唔會太soggy。面頭嘅酸酸彩虹糖🍬微微中和左蛋糕嘅甜膩。
5⃣️紫薯南瓜冰🍠
💖好靚😍!入口香滑,配料同層次都好豐富,最底係滑溜溜嘅珍多條,然後係甜香嘅南瓜紫薯,面頭加上cream同蜜糖星星🌟,香甜但因為南瓜紫薯幾清新所以唔膩!飲品仲會送care bear杯墊,有好多款🤭。
6⃣️濟州柑橘乳酪🍊
💖最後梗係要黎番杯佢地嘅signature柑橘乳酪啦,賣相靚之餘味道清新,乳酪口感唔會好厚重但幾滑!
💖元朗呢間分店位置超好,樓底高餐廳明亮,窗邊位同露台位太陽好好,而家冬天天氣坐室外都好舒服,帶埋主子黎都得!聯乘期間嘅裝修好得意,除左大型貼紙外好多台都有care bears cushion同公仔🧸,唔怪之得好多都係一家大細黎打卡啦!
張貼