Chatuchak (已結業)

晚餐想食清淡d，去咗希慎廣場既美食廣場食，見呢間新開既泰國菜有好多沙律就試試先，點知去到話得返3款沙律，有無搞錯。酸辣鳳爪沙律 $48呢個酸辣鳳爪沙律係雙份份量，鳳爪份量多，無骨，夠脆，味道少少辣，抵食。沙律有洋蔥絲，蘿蔔絲同車厘茄，墊有少少生菜，味道就好辣。青木瓜沙律 $48呢個青木瓜沙律都係雙份，份量就少d，青木瓜絲上面有少量車厘茄，蘿蔔絲，同豆角，另外有生菜墊底，上面加上脆口花生，原來仲有櫻花蝦仔，個汁酸酸辣辣，食落唔算辣。海南雞全隻 $248呢個餐牌無寫。全隻雞肉都唔少，雞肉好嫩，都有雞味，雞皮超好食，又有彈性，不過唔知點解雞肉有d鹽焗味。醬汁得一款，少少酸辣加薑蓉。質素係可以，不過價錢都唔平。總括而言，食物算可以啦。