享慢煮意 (形點 I) (已結業)

假期想chill一chill，想起朋友早排介紹嘅餐廳，位於形點１期內。於是我哋山長水遠由新界東搭屯馬線入元朗一探究竟。嚟到餐廳門口，感覺真係有種度假feel，果然冇介紹錯。餐廳用上地中海嘅藍色作主調，入到去再欣賞室內裝修及佈置，真係有如置身歐洲嘅感覺。由於已經飢腸轆轆的關係，二話不說就開始點餐啦。我地點咗兩份set lunch，加購咗兩款口味嘅流心牛角包。我哋都係第一次食有流心餡嘅牛角包。切開咗，裡面的流心有如溶岩般傾瀉出嚟，好澎湃！蟹膏同龍蝦湯配上牛角包嘅味道好夾，食落口感好特別！跟住到兩份主菜，龍蝦汁蟹肉伊麵同和牛面頰。首先講吓蟹肉伊麵，食到啖啖蟹肉，絕無欺場。龍蝦汁撈落伊麵度，味道配合得天衣無縫，真係好味道！和牛面頰肉質嫰滑，入口即溶。最後兩份甜品，焦糖燉蛋同埋自家製芝士餅都係凍食，燉蛋質感幼滑，女士們大愛！