桂月 (已結業)

朋友介紹話呢間酒吧d 野食同cocktail 幾高質，平時好少去呢啲地方今晚就黎試下先。地方雖然有啲格攝,但環境絕對係舒服同夠靜。其實本身都好少飲Cocktail,都唔知點揀好,好在店員好nice細心介紹，揀咗杯signature 嘅試吓✨Yuzu gimlet : 味道好fresh 好清新，柚子既香味好突出，真係好易入口，面頭嘅泡泡配埋棉花糖又幾得意。原來d 酒咁好飲，好快又再叫多杯✨紐西蘭有骨肉眼配薯菜：呢塊扒都幾大塊, 肉質好腍好嫩滑。薯菜有車厘茄，翠玉瓜，茄子，同埋烤薯仔。全部都係簡單調味，食返食材嘅原汁原味。✨April: 感覺有少少似Milk shake, 飲落去有士多啤梨玫瑰香味,酸酸地好開胃，女生會鍾意呢杯。✨脆炸鱈魚西西里蕃茄意大利飯： 上枱已經聞到好香嘅炸魚味, 個飯索晒醬汁嘅味道，好香蕃茄同芝士味，除咗洋蔥粒之外，每一啖都食到有魚肉，真係超好食，個炸魚都好香口。整體食物質素非常好，間中飲下酒都幾開心,鍾唔鍾意飲酒嘅朋友記得嚟試吓。