食力點心·雞煲專門店 (已結業)

好耐冇成功約到一大堆人食飯, 因為好難夾時間,  難得約到就當然卜定個場開飯~搵到呢間冇限時任食既雞煲火鍋店, 仲要有埋點心(唔係任食), 同埋任飲,岩晒一班大食怪假期前夕去個場都唔係太多人, 可能位置問題吧, 向地庫唔係咁多人留意到坐低後侍應先拎黎調味架, 飲品雪櫃任拎, 不外乎是啤酒, 可樂, 7喜然後再上點心拼盤, 數量似係每人2 粒, 蝦餃同粉果都唔錯, 比想像中好!食完就上雞煲喇, 我地叫左小辣, 雞煲沙爹味幾重, 連我食唔到辣的人都食到, 非常惹味, 而且雞肉夠多夠大件, 好好肉, 我地個個都食左好多件!食到咁上下侍應就黎加湯了, 同埋送上一盤雜錦火鍋料, 賣相好似好新鮮食落都真係幾新鮮!肥牛同豬肉都比一般任食或者收費火鍋好食得多手打丸類夠彈牙!魚片亦很出色, 點菜紙寫是碎肉鯇, 食落口感不錯, 大家都搶著食魚 XD而本人最欣賞的是個餃子, 餡裡的菜切成大粒的,很爽, 又係一個大家要ENCORE 的配料!反而豬紅就一般, 很淡口, 沾了醬食都冇乜味海鮮冇食到, 不作評論其他的配料都唔錯, 任食好少食到咁既質素, 每位賣單連加一都只係$185 好超值最緊要唔限時唔趕人, 好岩