1+2 餐廳 (已結業)

1+2餐廳是在旺角上海街一間連周聰師傅及滔滔都讚好的茶餐廳， 雖然餐廳沒有五星級嘅裝修， 但食物嘅味道已經達到酒店級水準，價錢十分親民，一個星期嚟足7日都唔覺厭。打開餐牌選擇多到眼花撩亂，午餐及晚餐價錢相差10蚊以內，包一個飯及熱飲，凍飲就要加3蚊囉！先來一個芝士焗咖哩雞扒飯，製作耐時，份量超大，可足2人食用，呢個杯焗到香噴噴，熱辣辣，而且仲有炒底，超好鑊氣。雞扒肉質算ok, 芝士及咖哩勁香及惹味，好抵食。至於香煎蔥油豬扒飯， 豬扒肉質非常鬆化，煎得香口，加上蔥油更添滋味，的確好得!小食加個芝麻雞翼，炸得酥脆，熱度十足，極度邪惡。飲品就不過不失，一般茶水物色，不用太大期望。