滾喜火鍋專門店 (已結業)

已經嚟過呢度好多次食雞煲，通常諗唔到食咩但係又想聚餐經過依頭都會嚟呢度~首先佢嘅賣點就係雞可以任添！我記得有原味麻辣味同芝士味應該仲有其他味道~ 芝士味真係好重芝士！ 而且勁香最好食係啲洋蔥🧅不過只係食芝士味會太漏，佢仲可以俾你添加其他味道㗎！ 呢樣已經已經贏其他舖頭好多！ 適合大食嘅朋友！ 食完雞之後就可以打邊爐，亦都係任添唔係逐樣計嘅！ 基本上選擇都唔少㗎！ 應該打邊爐要有嘅嘢都有！ 亦都唔會話唔好樣樣野唔新鮮或者好難食~ 我覺得有樣嘢加分就係可以飲竹蔗茅根，仲要係佢哋自己煲㗎！不過你嗰幾次個水準都幾唔一樣，不過絕大部份嘅情況下我都覺得幾好飲嘅！ 而且唔會好似飲紙包飲品咁咁浪費又會飲咗添加劑，打邊爐飲竹蔗茅根真係好解漏！ 總括而言我覺得二百幾蚊來講應有盡有！ 而且人唔算多隨時嚟都有位！ 唔使排到飛起~