一葉台灣料理

營業中

休息中

今日係鰂魚涌放工約咗同事一齊食晚餐，岩咁見到呢間叫一葉嘅小店，見好耐冇食台灣嘢就入去食吓。同朋友叫左佢地既招牌菜——台灣蔥油拌麵配炸雞排同台灣擔仔麵配炸豬排。餐廳既服務都唔錯。店員好熱情咁歡迎客人，而且好快咁處理點餐同出餐。環境乾淨整潔，比人一種舒適同溫馨既感覺。適合中午放飯既打工仔！蔥油拌麵配炸雞排蔥油拌麵，口感濃郁，蔥油味好香，而且麵質好彈牙，配埋鹹甜鹹甜嘅炸豬扒好好下飯。擔仔麵配炸豬排擔仔麵係有少少類似拌麵，但係有少少湯汁，有淡淡的蝦米味。搭配炸雞扒。雞扒配有蜜糖芥末醬，雞扒外酥內嫩，真係令人一啖接一啖咁樣係咁食！另外仲叫左黑糖珍珠奶茶同檸檬冬瓜茶。黑糖珍珠奶茶嘅珍珠好彈牙同大粒，茶底亦都好濃郁，完全係台式珍珠奶茶嘅味道。另外檸檬冬瓜茶飲落好清爽，好舒服中和左麵嘅鹹味。