影片
更多
2024-09-21
834 瀏覽
叫咗兩個set lunch～😍餐廳特別之處🥳：牆上面本身有”Happy Birthday”嘅字，可以再自己砌😍店員會比有唔同英文字母嘅盒你，可以tailor-made專屬嘅慶祝句子🤩非常特別！大讚🍀是日點餐🍀Main 1: 西京燒比目魚(推!!)(💰188)(+10% 🛎️)配咖啡菇、薯蓉比目魚嫩滑到不得了，配上西京燒甜甜地嘅醬汁，真係唔怪得餐牌寫住大推呢個菜式！薯蓉係餅型咁上，好cute～仲見到小小薯仔皮，非常新鮮。沙律醬配蛋黃醬就正常發揮，成個菜式好健康清新！最推｜👅: 4.9/5Main 2: 咖啡燒汁烤豬仔髀(💰138)(+10% 🛎️)第一次食咖啡嘅maindish！幾正，豬仔髀唔韌又容易食到啖啖肉，配燒汁會味道偏甜，所以再加埋小小苦味嘅咖啡粉就幾夾，呢個創新菜式係幾成功嘅！鍾意飲咖啡嘅朋友唔好錯過｜👅: 4.5/5配甜品: Tiramisu 估唔到set lunch都可以揀甜品，有Carrot cake, Cheese cake 同埋Tiramisu~ 特別欣賞Tiramisu嘅牛乳味好正，食到停唔到口。職員好細心提點我地甜品未完全解凍，加分👍🏻如果下次個甜品可以早小小開始解
餐廳特別之處🥳：
牆上面本身有”Happy Birthday”嘅字，可以再自己砌😍店員會比有唔同英文字母嘅盒你，可以tailor-made專屬嘅慶祝句子🤩非常特別！大讚
🍀是日點餐🍀
Main 1: 西京燒比目魚(推!!)(💰188)(+10% 🛎️)
配咖啡菇、薯蓉
比目魚嫩滑到不得了，配上西京燒甜甜地嘅醬汁，真係唔怪得餐牌寫住大推呢個菜式！薯蓉係餅型咁上，好cute～仲見到小小薯仔皮，非常新鮮。沙律醬配蛋黃醬就正常發揮，成個菜式好健康清新！最推｜👅: 4.9/5
Main 2: 咖啡燒汁烤豬仔髀(💰138)(+10% 🛎️)
第一次食咖啡嘅maindish！幾正，豬仔髀唔韌又容易食到啖啖肉，配燒汁會味道偏甜，所以再加埋小小苦味嘅咖啡粉就幾夾，呢個創新菜式係幾成功嘅！鍾意飲咖啡嘅朋友唔好錯過｜👅: 4.5/5
配甜品: Tiramisu
估唔到set lunch都可以揀甜品，有Carrot cake, Cheese cake 同埋Tiramisu~ 特別欣賞Tiramisu嘅牛乳味好正，食到停唔到口。職員好細心提點我地甜品未完全解凍，加分👍🏻如果下次個甜品可以早小小開始解凍就更加perfect～
配飲品: Long Black, Honey Yuzu with Lemon
咖啡入口苦度適中，亦唔會酸～好香！柚子蜜甜度剛好👍🏻更值得一讚係：裝嘢飲嘅杯同盤仔靚同有心機，十分打卡able～柚子蜜係玻璃壺咁上，可以自己斟落細杯度，幾chill🤤
環境: 4/5
服務: 5/5
再訪: 4.5/5
張貼
