百樂小館 (已結業)

一坐低嘅時候俾返menu 嚇親，仲以為入錯舖頭。明明book嘅時候係百樂小館，坐低睇餐牌變咗滿樂😳黎食潮州嘢、梗係要嗌返啲潮州嘢食啦！呢一間餐廳有一樣好可以叫細份野食，咁樣就可以試多啲啲嘢啦！先黎一個滷水拼盤： 滷水鵝肉拼盤、有墨魚滷蛋，每樣有d，最啱做小食再黎潮州蠔烙- 即係蠔餅、煎得好香、蠔肉又多，唔會淨係食粉、啖啖肉、又唔會太熟，最緊要冇腥味糖醋伊麵 ：潮州特色，即係兩面黃朋友，一邊點砂糖，一邊點醋，非常開胃，有呢個，飯都唔駛食😂老香炆一字骨 - 整得幾入味嘅，同埋都真係幾淋，好岩送飯潮式反沙芋條 - 啲糖同芋頭炒到啱啱好，唔會一食就糖還糖，芋頭芋頭，反沙芋唔係度度地方有，所以如果有得食嘅話，一定要試吓，如果做得好嘅話，佢其他嘢食都多數好食👍🏻因爲好考功夫總括而言，價錢平，嘢食有水準，CP值高👍🏻