La Famille (已結業)

臨近聖誕又係送禮和開party的旺季，想買個靚cake同大家分享，經過呢間La famille就入去睇吓，原來呢間店有位比人坐低慢慢食，環境好優雅，如果有時間食住蛋糕嘆茶就真係好寫意，不過這些機會不是我的。還是快快買完返去交人。蛋糕款式都多，個個都好精緻，而且價錢唔貴，大部分細蛋糕都只係$54。最後揀左雙重朱古力、英國伯爵茶、意式香草奶凍同法國玫瑰。呢間賣的是戚風蛋糕，真係好軟綿綿，而且唔會太甜，唔會有「漏」既感覺。其中雙重朱古力和法國玫瑰的味道比較突出，朱古力味真係好香濃，而玫瑰味都好香。伯爵茶都有茶味，反而意式香草無咩特別，不過都好味呀！最好係因為價錢唔貴，可以買幾款試吓呀！另外見到佢有個曲奇禮盒，要來送禮都唔錯，有五塊聖誕造型曲奇加兩件小蛋糕，朋友話好香牛油味，曲奇焗得鬆化，真正好睇又好食！