Pizza-Box (界限街)

營業中

休息中

落雨天凍冰冰又濕漉漉，又係叫外賣嘅時間。突然興起想食pizza, 於是就上網叫pizza box!外送時間大概1小時15分鐘左右，好彩食物仲熱辣辣。order左 個香焗雞上脾套餐$169~ 加配優惠 $10 /2客 蘑菇湯雞上脾夠熱，皮很脆咬落仲爆肉汁出黎，大滿足!蘑菇湯 感覺較膩口，味道正常。芝士雞肉丸，食第一粒時發覺唔夠熱，轉左個碗叮一叮熱佢，效果超正 半溶芝士加熱辣辣雞肉丸，好夾牙食到。牛肝菌意大利飯，菌類配個汁係好香好香，可惜飯淋得太緊要。千島雞肉pizza, 之前食過佢嘅千島海鮮pizza出品味道很好，所以都想叫番千島醬味，果然無令我失望，啖啖pizza都咬到雞肉。總括叫左全部都係雞餐，但味道都已經超出預期水平。下次就試下意大利飯以外嘅野。