御の味 (已結業)

平時其他人會話黃店搵唔到好野食，但今次真係搵到間出色午飯食堂，而且店員服務殷勤，仲好nice。今次與同事早去到，所以冇預先book枱都有位，但都建議訂左枱先，因為比較多人訂咗枱先。佢既午飯性價比幾高，真係日式定食咁有齊前菜、沙律、蒸蛋和味噌汁。仲有壽司卷物，真係每款都好好味，蒸蛋又滑又鮮，沙律🥗菜都好新鮮，而個粉絲都煮得好入味。日式照燒雞扒丼呢個照燒雞扒丼係每日限定，雞皮煎得好脆，煎左大部分雞油唔會話好肥，配埋芝麻好香。真係普通既燒雞扒丼都可以做到咁出色，冇因為午市要做低個水準。食完仲有個小甜品，好滿足。