Rakuraku 樂拉麵 (康怡廣場北座) (已結業)

以拉麵黎講，呢間lunch menu CP值好高，好抵食，仲要係好食，點咗辣豚肉拉麵加雞軟骨，同埋一個海鮮石鍋飯。豚肉拉麵唔算好辣，豚肉唔肥，麵的硬度適中，即使唔加七味粉麵好夠味，值得一讚嘅係佢仲配有一隻糖心蛋，真係做到糖心嘅效果，同埋有脆脆蓮藕片，加埋一起食好好食。個海鮮石鍋飯係熱住上，有帶子同魚，鮑魚片同蟹柳，仲有啲蔬菜，配有芝士喺面，攪拌後食有啲汁又有芝士都好惹味。 雞軟骨唔會好多炸粉，好香口。另外加咗$6叫個蘋果汁，出面買呢個蘋果汁都要今日十幾蚊，所以都好抵！ 同埋日本蘋果汁，係好飲既！ 呢度唔算多人， 但野食質素幾好，而服務態度都唔錯，店員好友善同樂意協助。