日本野 (已結業)

🔺 日本野 (旺角)終於食到呢間長期爆滿既日本餐廳，個人好中意揀d 好多小食既餐廳，因為比較細食，基本上食完個主菜就飽阻，所以如果多d 小食就可以試多d 唔同既野😚😚🔸晚市定食方面一個餐入面已經包阻溫泉蛋或者溏心蛋，沙律或者麵豉湯，同埋一杯餐飲。🔻石燒霜降吉列牛小排定食（$248)呢個會有個石燒比你自己按個人喜好燒熟既程度，自己即燒即食熱辣辣，配埋個燒汁甜甜地好好送飯，而且d 牛冇筋又唔un。🔻大阪風吉列豬扒定食（$138)一上枱份量驚人，兩塊勁大吉列豬扒，炸到脆卜卜熱辣辣，入面豬扒仍然juice 同埋鬆軟，口感驚艷，配埋個豬扒醬酸酸地好開胃，如果旁邊沙律菜有個芝麻醬加埋更佳。🔸嗌晚餐有多款小食追加，仲不限數量，好抵食!🔻蜂蜜牛油粟米（$23)蜂蜜，粟米，都係我最喜愛既野，見佢$2x 平平地忍唔住嗌一份，ym枱熱辣辣，份量適中，蜂蜜味好重，食既時候就聞到香甜味。🔻厚燒鰻魚玉子（$48)一份有三件，件件都好厚身，玉子唔會蓋過阻個鰻魚味，點埋個沙律醬好開胃，唔會好漏。🔻和風柚子雞翼（$68)一份有五隻雞翼，而且雞翼都幾大隻下，略嫌柚子醬重手阻，比較偏甜，襯熱食就好d。