Fifty Fifty

營業中

休息中

一向鍾意食Croffle，今日去呢間店試吓，買嗰陣問咗店員係咪即叫即整，店員話係熱嘅，叫我買完過5分鐘過嚟攞，我過咗5分鐘就去返鋪頭攞，店員用個盒裝住，本來想加個蓋冚住，我話堂食，店員話堂食就唔使冚蓋，因為怕熱冚蓋會冇咁好，於是我就搵左個位即刻食，一咬落去完全係凍嘅，上面嘅焦糖結到一舊舊，我即刻問店員點解係凍嘅，店員死撐話係啱啱整起，要攤凍啲先至落啲焦糖喺上面，我話如果係啱啱整起，起碼都有少少暖，依家直情係凍嘅，應該已經擺咗一段時間，店員聽到我投訴，就問我係咪要食熱嘅，佢哋再整過俾我，後來我等左15分鐘，店員送上一件俾我，呢次係熱嘅，味道口感都幾好，但店員處理真係好有問題，可能最初以為我係外賣攞走，求其俾個攤到凍曬嘅俾我，諗住我攞走食，就算俾凍嘅都唔會有問題，最離譜係要我等5分鐘，又話熱嘅冚蓋冇咁好，係度裝模作樣，扮即整嚟呃顧客，做生意好唔誠實，而且唔認真對待食物品質，求其hea顧客，就算啲嘢好食都無用，遲早執笠！