影片
更多
2022-09-13
339 瀏覽
成日見人分享Curator呢間可以印相/圖係咖啡面嘅餐廳，見到佢出小王子下午茶，身為小王子fans嘅我緊係要去支持啦🤩 🌹 雖然我年中都因為咁而中過唔少伏，不過點都估唔到今次竟然係打大佬🙈我去嘅係K11 Musea分店，我到餐廳嘅時候見到裡面有檯，就問可唔可以入去先。職員講明得75分鐘用餐時間，所以建議等齊人先入，如果唔係都會照開始計時。雖然75分鐘感覺有d趕，但明白weekend人流比較多，所以都理解嘅。🌃 環境 (3.5/5) Curator嘅概念係將藝術同飲食結合，所以餐廳嘅佈置都採用好多潮流藝術元素，亦都擺左村上隆，草生彌間嘅作品同商品。🎨 餐廳整體感覺好新潮型格，唯一唔好嘅係餐廳採用大平面設計，無任何入口/走廊位，變相坐得出嘅位就會比路人睇曬，感覺上比較無私隱🫣 😋 食物 (1/5) 呢個tea set嘅主題係雲上的綿羊盒💕 賣相好靚好夢幻，配埋佢兩杯印左小王子圖案嘅飲品，打卡一流😚 不過呢個tea set都真係僅限打卡🙈 雖然明白港女下午茶呢d嘢都係打卡為主，味道為輔，但由頭伏到我落尾嘅都真係少有😂 由鹹點講起，首先食左牛油果雞肉三文治🥪 雞肉同麵包都比較乾身，味道普通，
我去嘅係K11 Musea分店，我到餐廳嘅時候見到裡面有檯，就問可唔可以入去先。職員講明得75分鐘用餐時間，所以建議等齊人先入，如果唔係都會照開始計時。雖然75分鐘感覺有d趕，但明白weekend人流比較多，所以都理解嘅。
🌃 環境 (3.5/5)
Curator嘅概念係將藝術同飲食結合，所以餐廳嘅佈置都採用好多潮流藝術元素，亦都擺左村上隆，草生彌間嘅作品同商品。🎨 餐廳整體感覺好新潮型格，唯一唔好嘅係餐廳採用大平面設計，無任何入口/走廊位，變相坐得出嘅位就會比路人睇曬，感覺上比較無私隱🫣
😋 食物 (1/5)
呢個tea set嘅主題係雲上的綿羊盒💕 賣相好靚好夢幻，配埋佢兩杯印左小王子圖案嘅飲品，打卡一流😚 不過呢個tea set都真係僅限打卡🙈 雖然明白港女下午茶呢d嘢都係打卡為主，味道為輔，但由頭伏到我落尾嘅都真係少有😂
由鹹點講起，首先食左牛油果雞肉三文治🥪 雞肉同麵包都比較乾身，味道普通，但勢估唔到呢個竟然已經係成個set最好食嘅嘢🤣 香煎鵝肝入口又凍又腥，好似一早整定係度攤到凍曬嘅感覺🤢 大蝦菠蘿多士個蝦又係腥，裡面夾住塊沙律菜梅曬，塊多士都好淋 🥬😮💨
你以為咁就完？Nonono，好戲在後頭🥺 我以為甜品會好d啦，佢個macaron好硬，食落有陣假假地嘅杏仁味。menu明明話係鮮忌廉泡芙，但我個set就變左原粒泡芙切開夾棉花糖🤨 泡芙本身質地已經乾，夾埋粒便利店/超市貨色嘅棉花糖就更乾😵💫 呢個moment我已經食到好崩潰，完全唔知自己食緊d咩... 好彩草莓忌廉撻味道正常，幫我定定驚🥴 但定驚原來係為左面對big boss：彩虹奶凍🌈 見到杯奶凍顏色咁鮮豔已經心知不妙，食左一啖....係奇怪嘅藥水味！真係哭左 😵
唯一可以稱得上合格嘅係兩杯飲品，我地揀左咖啡同朱古力各一杯☕️ 但都唔稱得上出色🥹
而且餐廳服務態度都好一般，得75分鐘時間但個tea set起碼等左20-25分鐘先上...重點係佢比漏左跟set送嘅兩張小王子貼紙同postcard!!!🥀 好彩我後尾見到隔離幾檯都有，問返侍應佢先比返我，唔係應該都會幾sad🥺
同埋侍應比餐具個陣淨係比左碟同匙羹🥄 我一度懷疑係咪自己孤陋寡聞唔知個tea係要用羹食 ?_? 想叫侍應補返d餐具又等左好耐...所以唔單只食物，係連成個dining experience都好差😫😫
💰價錢 (1/5)
小王子Tea Set $516 for 2
話貴唔貴，但一句講曬，完全唔值！
....
An extremely disappointing experience at Curator. Had a really high expectation at first as I am a die hard Little Prince fan! Ordered the Little Prince tea set and it looks fancy and dreamy 💕 However, the food quality and service are extremely terrible 😫 Would not recommend anyone to go there!!!
張貼
