鹿角巷 (已結業)

同亞女喺旺角行街，行完想飲吓嘢，見到近H&M 有間台式飲品店，就走入去飲番杯人氣嘅黑糖鹿丸鮮奶。所謂鹿丸咪即係珍珠奶茶啲珍珠囉，只不過改用店名（鹿角巷）其中一字來重新命名，搞搞新意思。之前飲過凍嘅，今次選擇熱的，熱的感覺稍為甜咗啲，但冬天梗係飲熱嘅暖吓胃。可能今次唔係第一次飲，覺得味道冇之前咁好飲，黑糖味也不夠，珍珠也偏稔，但整體都算OK啦。臨近聖誕，飲品設計甚有氣氛，外賣杯套上鹿頭紙環，好cute, 而且方便提取。