影片
更多
2014-09-10
1118 瀏覽
第一次寫食評, 如有不足, 請見諒!前晚約左幾個好耐無見既朋友去CWB，其實我都有好幾年無踏足了, 因為太難搵野食, 難得今次個朋友話知道有一間新開既上樓餐廳, 食物質素上佳, 價格還可, 最緊要既係環境可以比我地幾個傾下計, ,我們4個人8點左右到達, 發現原來百樂中心附近都有唔少餐廳, 但心諗Andy選擇依間一定有佢既理由既, 一行4人上到 19樓, 一開lift門比我第一個感覺係好grand好舒服, 天花掛左一盞比好多銀色餐具圍住既燈, 好特別, 入到餐廳後, 可能客人不唔算太多, 好寧靜舒適, 岩哂傾計吹水, 發覺Menu上有幾個菜色都好特別, 所以我地決定點唔同既食物 Share!! 點左好幾樣, Starter 既Scallop Carpaccio 同個洋蔥湯配合得好好,洋蔥湯唔會太油 。 主菜Confit Duck Leg, 都係第一次食, 親切既大廚建議我地要將鴨肉同芹菜根蓉一齊食, 味重既鴨肉配以清新既芹菜根蓉, 感覺好似相輔相成咁, 之後到第二味既Salmon Fillet, 我既建議係一定要連個煎到脆卜卜既表面一齊食, 好脆加埋d好香既三文魚油, 一放入口已經講唔
前晚約左幾個好耐無見既朋友去CWB，其實我都有好幾年無踏足了, 因為太難搵野食, 難得今次個朋友話知道有一間新開既上樓餐廳, 食物質素上佳, 價格還可, 最緊要既係環境可以比我地幾個傾下計, ,我們4個人8點左右到達, 發現原來百樂中心附近都有唔少餐廳, 但心諗Andy選擇依間一定有佢既理由既, 一行4人上到 19樓, 一開lift門比我第一個感覺係好grand好舒服, 天花掛左一盞比好多銀色餐具圍住既燈, 好特別, 入到餐廳後, 可能客人不唔算太多, 好寧靜舒適, 岩哂傾計吹水, 發覺Menu上有幾個菜色都好特別, 所以我地決定點唔同既食物 Share!! 點左好幾樣, Starter 既Scallop Carpaccio 同個洋蔥湯配合得好好,洋蔥湯唔會太油 。 主菜Confit Duck Leg, 都係第一次食, 親切既大廚建議我地要將鴨肉同芹菜根蓉一齊食, 味重既鴨肉配以清新既芹菜根蓉, 感覺好似相輔相成咁, 之後到第二味既Salmon Fillet, 我既建議係一定要連個煎到脆卜卜既表面一齊食, 好脆加埋d好香既三文魚油, 一放入口已經講唔到野了, 到了最後一道 Iberico Pork Rack, Iberico Ham都試過唔少, 但煮過既就真係第一次, 我覺得最正既除左個好有炭燒風味既pork rack之外, 真係要讚下果d caramelized apple, 因為甜得黎仲帶有好香既蘋果味, 而如果將兩者一齊放入口, 果種好複雜好有層次既味道, 真係可以講係齒頰留香, 到甜品時間, 雖然本人對甜品無咩研究, 但都覺得依個Chocolate Profiteroles好特別, 上枱時只見一舊黑色好似朱古力蛋糕加一球白色雲呢拿雪糕, 一啖食落個chocolate profiteroles 時覺得好rich好rich 完全唔似普通既朱古力蛋糕, 細問之下, 完來全個都係無落任何麵粉, 只係用朱古力同蛋白但可能我比較貪心, 如果有多兩粒raspberry就 perfect喇, 所有菜式都好好，以地區同質素, 價格尚可, 下次飯局可以 encore依到
張貼
