CHIMPZ (已結業)

銅鑼灣渣甸坊既CHIMPZ有平民既價錢又食到有 heart又性價比幾高既西餐。餐廳環境唔算大，但感覺幾親民！有個性既小店。Menu幾多款式，我就叫底個新品推介日本甲羅燒蟹膏味噌意大利飯，賣相靚靚，碟都好colorful, 非常搶眼！蟹蓋盛住甲羅燒，蟹膏既味道非常濃郁入味，意大利飯綿綿細緻幾creamy, 但唔會過膩！蟹籽更添口感層次，整體成件事鮮味得黎又好開胃。加錢轉set, 有個沙律 and飲品，最特別係蘋果粒幾香甜，沙律醬汁又唔會太 heavy, 幾清新。飲品點了益利多梳打，酸酸may幾好飲唔會太甜。另外加多左份宮保大蝦意大利粉，蝦肉夠實淨帶鮮，意大利粉質地軟硬度剛剛好，岩哂我口味，味道帶鮮蕃茄香，幾有層次感。