北京樓 (已結業)

今日下午兩點幾同娘親去荃灣行街,咁見到E度有下午茶,免茶免加一,我心諗北京樓都應用唔差得去邊,於是我就入去試試.佢門口個牌寫有特價京滬麵食($18)及點心($8.8),但坐低睇下menu時至發覺其實無乜京滬食品,反而港式點心多d!!我點京式炸醬麵,蒸素餃及芝麻牛肉燒餅.整體講,d食物好鬼油ga,個牛肉燒餅餅皮用好多油去搓,牛肉餡又無牛肉味,成餅無香氣,完全唔吸引!碗炸醬麵係無香味又無咸味,得一大pat油...我聽到隔離d食客都係咁講呀,失敗!!而個蒸素餃都係好多油ga喇,不過就幾好味,餡料有白菜,粉絲同冬菇,仲有好香麻油味,咸味都幾適中,如果唔係咁油就好喇!!雖然食物麻麻地,得個價錢平,但招呼好,侍應有禮貌!!反而其他cheap cheap 上海食店都好佢好多!!不過.....應該無下次喇!