雪村串燒 (已結業)

朋友生日，因為唔想次次既生日飯都去尖沙咀食，想搵下其他就大家腳又好食既地方。記得壽星女之前同我提過呢間幾好食，於是訂位。我最早到，在"知客位"看到 BOOKING 簿的訂客很零落。不一會，我被帶到一入門口走廊既第一張檯，是一張奇怪的四人檯，形狀係咁既 ---> |_____| ，兩位並肩而坐，兩位坐旁邊。因為張檯好長，坐旁那兩位相當疏離。我當然唔喜歡，四美生日飯，當然希望大家可以 close d 傾下計，我問一位貌似經理既女仕，她說是晚已滿，未能安排轉檯。眼見還有好幾張檯係"吉"既，心諗，真係唔明點解會 book 左張咁既檯，早知下次 walk in 好過。燒無骨秋刀魚是第一碟上檯既，席間只得我同壽星女食，另外兩位表示"好腥"，但我地食既兩位就覺得好香。 a good start! 諗住今餐有好野食了~燒雞翼大拿拿三十蚊一隻 (雞全翼)，但略嫌燒得太乾身，鹽香亦唔夠，寧願聽日去街市買十蚊十二隻既雞翼返屋企加兩片薑隔水蒸都唔知幾好食~!燒和牛唔記得咩名，只記得其索價三百大元。上檯時大家個嘴都 O 一 O，點解可以細碟成咁既呢? 相片可見，同個小小豉酒壺差唔多 size。既然佢咁