勝八居酒屋 (已結業)

之前去永光中心dinner發現剛剛開的日本餐廳好似幾好咁就約咗幾個frd去試下 坐低一陣餐廳職員就馬上幫我地用椅套套住件褸，十分細心！ 先點咗個剌身同海膽壽司試下，一上枱大廚好細心咁提醒我地先食壽司先因為紫菜會淋！淋咗唔好食 再一次細心嘅表現，值得再加分 刺身好新鮮呑拿魚腩入口即充滿油香再加上有少少根有咬口 牡丹蝦同海膽好creamy   之後更加忍唔住再叫多次海膽食！刺身食完巳經好期待佢熟食喇 銀雪魚燒到好滑個皮好香囗！我地幾個忍唔住好快就K.O咗喇！天婦羅味道就一般般啦！但蝦都好爽身！汁燒安格斯就真係要比個like佢喇！入口即溶！ 肥瘦分部平均！仲有個沙律一齊食！感覺即刻清新曬！一d都唔油膩！值得一讚！😍😍😍鵝肝飯好香鵝油香味！味道甜甜日本米仲好彈牙！正！但美中不足就係得一片鵝肝太少了。。。。。。 由於鵝肝飯太唔能夠滿足啦！我地追加咗份鵝肝多士！😜😜😜多士超脆加上軟綿綿咗鵝肝產生強烈嘅口感對比！加上有少少炸蒜同葱！增加咗味道的層次！牛腸鍋係大廚介紹個餐排係無的！天氣咁凍整返個鍋暖下先！☺️蘿白好 juices有少少辣辣地食完個身暖曬！食完飲想飲少少酒再傾計