The Captain's House (已結業)

尖沙咀依間「The Captain’s House」最出名嘅就係佢嘅Seafood Platter嘅海鮮、醬汁可以任意配搭，咁就實啱大家嘅口味，不過菜式定價比較進取。*此餐廳收取加一服務費。Seafood Platter Combo A （單點$418），鮑魚肉質彈牙，食落有鮮味；扇貝略嫌肉質比較瘦削，味道鮮甜；海蝦肉質爽口，食落好新鮮；司華力腸食落好Juicy；粟米味道香甜；馬鈴薯口感綿密，配以檸檬胡椒醬汁食用，食落好香口，味道微酸。Black Truffle And Mushroom Linguine（單點$118），表面鋪有巴馬臣芝士、豆苗、香草，雜菌為白蘑菇，配料包括有洋蔥、青蔥、香蒜，扁意粉食落好Creamy，略嫌醬汁黑松露味道偏淡，主要剩係食到忌廉嘅味道。Virgin Sangria （單點$68），表面鋪有菠蘿、香橙、青蘋果、紅蘋果，採用西柚汁、橙汁、薑味汽水製作，飲落好清爽。Pure Spring （單點$68），表面鋪有薄荷葉，採用有氣辣薑啤、檸檬汁、Mojito糖漿製作，味道酸甜。