肇順名匯河鮮專門店 (已結業)

今晚出去食同事FAREWELL飯，老公車我去MEGA BOX之後話返黎接返我，唔想我吹風，太好了。我同另一個同事係早到嗰批，我地就負責諗下食咩，我淨係知道呢度食魚好出名，無論如何都一家要整返條魚先啦!8點左右，人齊了!開飯! 第一味: 蒜容豆苗，炒得好靚，顏色好翠綠，一上枱就聞到好香蒜容味，雖然係炒，但係落既油唔多，好健康呢!生啫豬肚尖煲: CANDY話一定要叫呢個煲，因為好好食，究竟咩叫豬肚尖呢? 豬肚尖原來係豬肚中最適合生炒既地方，大約佔左成個豬肚四分之一。呢個豬肚尖好香口，配埋青椒﹑洋蔥等等一齊炒，好香好滋味。第一次食豬肚尖，切得好薄，令每片豬肚尖都好入味，炆得相當好。豬肚尖爽脆又好味，一點都唔韌，口感十分好!原條珍珠魚: 戲肉上場了! 君少最中意既珍珠魚!!!條魚好大條，我地10個人都夠食，我地揀左用水一邊煮一邊食。店員好好，間唔中會過黎幫我地反魚，怕我地底嗰邊唔熟。點解會用水煮呢個方法呢? 我同君少都覺得咁樣最可以食到魚既鮮味，試到魚既真章! 條珍珠魚肉好鮮甜，口感亦好鮮味，幸好個湯唔濃味，否則恐怕食唔到魚既原汁原味了! 魚肉一點都唔韌，而且煮既時間岩岩好，我地都可以清楚見到