西川風味海鮮館 (已結業)

終於離開一間做咗20幾年的公司，一班好同事和我farewell，我地都要食好dd，食靚dd!因為我們想食d新鮮海鮮，爆食一場！我其中一位同事介紹話順寧道西川門口有個大魚缸，比較有多種海鮮選擇，我一行十人到達後坐了張大枱，我面對住部大電視，好有屋企食飯的感覺，我和其中一位同事就去到魚缸前選擇海鮮，餐館有個人就馬上過嚟介紹有咩好食和點樣食法！我們就選擇咗加拿大象拔蚌（象拔蚌有其他產地，我個人就鍾意加拿大比較有甜味），還有班馬大瀨尿蝦，大蟶子，鮑魚，海蝦，扇貝，蠔，另外還叫了两種肥牛，菜肉雲吞，午餐肉之類！象拔蚌就食剌身，非常鮮甜爽口，每次都回味無窮，瀨尿蝦就食椒鹽和豉椒蟶子，其他就雞煲火鍋！我地d食量都好勁，可以全部食哂一件留，好開心我能夠在滿足和歡笑中告別，多謝大家！