影片
更多
2022-10-18
1465 瀏覽
之前經過佢灣仔分店，落地玻璃好似好舒服嘅感覺，見到個名覺得都幾熟，記得好似有朋友話過FINI好食，mark左係Google Map，有機會就要試吓。有一日，見到原來FINI新開左九龍站分店，睇相好似仲chill，好適合食brunch，又有朋友正好約係呢頭，咁就試吓啦。周末時間，當日試左幾個唔同菜式，都係選聽講最出色最多人選擇，幸好朋友有做功課，唔駛點諗，我就跟人叫乜食乜，先飲杯凍檸茶，等食。前菜先吃自家製水牛芝士，呢個芝士加沙律菜睇樣好似普通，但其實以自家製黎講，同平時你食開嘅水牛芝士真係有啲分別，質地較為硬身，而味道也較為清新，無平時嘅濃味，加上三十年意大利陳醋，仲有呢度嘅蔬菜係佢哋自家種，實行farm to table嘅概念。招牌手打肉丸唔算太大粒，但係手打得都知有幾新鮮，最重要佢係加上左港式嘅辣椒油，蕃茄醬及濃稠的巴馬臣芝士，個口味即刻好獨特，聽講咁耐以黎賣左超過一百萬粒就知唔簡單。FINI's 招牌炸雞排，唔係剩係炸雞，加上特製意式蕃茄醬及上面加上了大量嘅芝士Mozzarella，可以拉絲自然就係打卡位，食落你以為會非常之油膩，但相反會越食越想加碼。聽講呢個係新出品，限定呢個分
有一日，見到原來FINI新開左九龍站分店，睇相好似仲chill，好適合食brunch，又有朋友正好約係呢頭，咁就試吓啦。
周末時間，當日試左幾個唔同菜式，都係選聽講最出色最多人選擇，幸好朋友有做功課，唔駛點諗，我就跟人叫乜食乜，先飲杯凍檸茶，等食。
前菜先吃自家製水牛芝士，呢個芝士加沙律菜睇樣好似普通，但其實以自家製黎講，同平時你食開嘅水牛芝士真係有啲分別，質地較為硬身，而味道也較為清新，無平時嘅濃味，加上三十年意大利陳醋，仲有呢度嘅蔬菜係佢哋自家種，實行farm to table嘅概念。
招牌手打肉丸唔算太大粒，但係手打得都知有幾新鮮，最重要佢係加上左港式嘅辣椒油，蕃茄醬及濃稠的巴馬臣芝士，個口味即刻好獨特，聽講咁耐以黎賣左超過一百萬粒就知唔簡單。
FINI's 招牌炸雞排，唔係剩係炸雞，加上特製意式蕃茄醬及上面加上了大量嘅芝士Mozzarella，可以拉絲自然就係打卡位，食落你以為會非常之油膩，但相反會越食越想加碼。
聽講呢個係新出品，限定呢個分店先有，香辣伏特加長通粉薄餅，多人可以食18 吋薄餅，如果唔多人，好似我地咁食$68一人份量都可以，無諗過意粉薄餅係一回咁特別嘅事，手工薄餅放入傳統明火壁爐烤製，個邊好脆，味濃食落又幾夾，特別係加上香辣同伏特加之後，好鬼惹味，令薄餅更添神韻。
如你同我都鐘意阿華田，咁阿華田 Tiramisu 就一定適合你，朋友W小姐大讚，阿華田味當然重，Tiramisu質感都令人愛不釋手，作為完美結局。
絕對有下次，當然係而家盛行手工意粉同薄餅嘅風氣下，可能你會覺得呢間唔係最出色嘅一員，但係我覺得causal dining同朋友食，絕對唔錯。
張貼
