影片
更多
2019-03-17
186 瀏覽
Starbucks係銅鑼灣開左Flagship Store之後，間唔中都去坐下，貪果度啲野食特別啲，間店又相比其他Starbucks大間，多啲位坐。 依間Starbucks除左平時嘅食品飲品，仲有Starbucks Reserve 同Flagship store special。真係可以係度消磨一個下午慢慢嘆。意大利芝士餅忌廉鬆餅 $88Tiramisu pancake係依度先有嘅其中一個食品，當樓上嘅幸福pancake 排隊排到傻，依個唔使等慢慢食嘅pamcake都係另一種幸福Pancake係麥記早餐果款，朱古力粉一啲都唔慳，有一大球朱古力雪糕，再加埋啲honeycomb，脆+軟嘅口感無得輸!!! 牛油果炒蛋天然酵麵包 $78自從牛油果成為superfood之後就成日見到佢出現，配炒蛋係絕配，麵包有少少煙un。味道正常無特別驚喜。火腿芝士脆多 $28依份係普通食品，純粹因為酥皮三文治賣晒而揀，點知加熱之後咁鬼好食，麵包面嘅芝士熔熔地脆身，切開後入面既芝士又流出黎... 雙重享受🤤Starbucks Reserve Vanilla Bean Latte (Grande) $55Star
意大利芝士餅忌廉鬆餅 $88
Tiramisu pancake係依度先有嘅其中一個食品，當樓上嘅幸福pancake 排隊排到傻，依個唔使等慢慢食嘅pamcake都係另一種幸福Pancake係麥記早餐果款，朱古力粉一啲都唔慳，有一大球朱古力雪糕，再加埋啲honeycomb，脆+軟嘅口感無得輸!!!
牛油果炒蛋天然酵麵包 $78
自從牛油果成為superfood之後就成日見到佢出現，配炒蛋係絕配，麵包有少少煙un。味道正常無特別驚喜。
火腿芝士脆多 $28
依份係普通食品，純粹因為酥皮三文治賣晒而揀，點知加熱之後咁鬼好食，麵包面嘅芝士熔熔地脆身，切開後入面既芝士又流出黎... 雙重享受🤤
Starbucks Reserve Vanilla Bean Latte (Grande) $55
Starbucks Reserve會用比較靚嘅咖啡豆，可惜依杯Latte我地飲唔出有咩大分別，唔通係隻杯同service 嘅分別😂 Reserve嘅飲品一律用Starbucks Reserve 嘅杯，仲會俾個no. 牌你放枱面，有專人放到你枱面😂😂😂
Starbucks Reserve Cafe Latte (Grande) $49
雖然飲品一般，不過好想讚下Starbucks staff嘅服務，佢地對自家產品好認識，可以好清楚同客人解釋唔同咖啡豆嘅分別，而且仲好好笑容添
張貼
