茶茶居 (已結業)

太古城中心一向幾好行，好多時我都會同屋企人去行下街食下野。今日又黎依個商場，但我地未食午餐要先醫肚，爸爸就提議食中式點心！原來新的美食廣場有得叫點心同飲茶架！個餐牌設計幾特別，潮潮地。！我叫的點心味道都唔錯，但款式唔算係好多。我個人認為啲野食份量都偏細。尤其是個幼春卷，係就係特別但唔係好夠食。個餃都係得兩粒。最滿意係個雪山包同炒麵，真係幾好食！炒麵唔會話一食落去成口油，炒得好香同味道好！個包上台剛整好，熱辣辣食唔錯呀！