百芳池上便當 (希慎廣場)

營業中

休息中

牛腩好林，牛丸真係名副其實咁彈牙，肉同脂肪比例啱啱好。湯底好香牛味，微微酸辣好開胃。鹽酥雞大小適中，好脆口，初初仲以為鹽酥雞飯會好乾，但係有汁粉絲同埋醬汁配菜粟米令到成個飯層次好豐富，粟米同醬汁嘅甜味同鹽酥雞嘅鹹味配合得天衣無縫。皮蛋豆腐個汁好夠味，豆腐質地硬淨，唔會一夾就散開，木魚同皮蛋吊出咗豆腐嘅豆香味。黑糖同鮮奶係天作之合，珍珠林身，同奶味好夾，仙草好fresh，中和左珍珠嘅飽濟感。檸茶有淡淡玫瑰香味，飲落清新，食飽之後飲可以冇咁飽濟。