小巨蛋

營業中

休息中

Food court 都有高質台灣菜小編系樂富呢個foodcourt都食過無數次，食既不外乎幾間，近期驚喜地發現呢度開左幾間新小店小編都未食過既，就決定要搵時間試哂呢幾間新野，今日食既呢一間「小巨蛋」就有小編喜歡既台灣菜。鴨血花蛤米線(麻辣湯小辣)自從去過台灣食過鴨血之後，小編深深地被呢樣美食迷住，呢度鴨血細舊但勝在厚身，口感滑嫩，吸哂麻辣湯。花蛤爽口，帶鮮味，麻辣湯辛辣刺激，但都易入口。台式花蛤粉絲(胡椒湯)屋企人最喜歡呢個，胡椒湯味超濃郁，粉絲索湯，一啖湯一啖粉超正，仲有一大塊金菇，好味。蓮藕肉餅意想不到地好食！蓮藕肉餅食得出粒粒爽脆蓮藕，厚身得黎，煎到外脆內軟，多汁。三味鹽酥雞(芝士醬、酸瓜乳酪醬、泰式醬)鹽酥雞本身已經好好味，炸到乾脆不油膩，沾上不同醬，又變成另一風味，小編最中意泰式醬，好似冬蔭公，有泰式的酸甜辣，完全將台式的鹽酥雞變成泰式口味，好味又別具特色！紅糖冰粉紅糖冰粉滑溜不太甜，不錯，面頭仲有少少果乾，增添少少香甜。一刻果汁(番石榴，蜜桃)佢地仲有埋台式飲品，不太甜好飲。